كٶك بايراعىمىز ەل ازاماتتارىنىڭ وتانشىلدىق سەزٸمٸن وياتتى
بٷگٸن ەل ازاماتتارى ەلەۋمەتتٸك جەلٸدە كٶك بايراعىمىزدى ۇلىقتاپ, كەرمەت اكتسييا ۇيىمداستىردى. وسىنداي جاندى, جٷرەكتەن جٷرەككە تەز جەتەتٸن شارالار كٶپشٸلٸك اراسىنداعى وتانشىلدىق سەزٸمدٸ دامىتا تٷسەتٸنٸ بەلگٸلٸ. شاراعا ەلٸمٸزگە تانامال ازاماتتاردان باستاپ, قاراپايىم ازاماتتار بٸر كٸسٸدەي اتسالىسقانىن ايتا كەتۋٸمٸز كەرەك.
«مەن تۋىمدى ماقتان ەتەمٸن» دەگەن ۇران شەڭبەرٸندە ٶتكەن اكتسيياعا ماقپال جٷنٸسوۆا, روزا رىمباەۆا, جانار ايجانوۆ, ەرجان ماكسيم, ەلدوس سمەتوۆ, ەلييا يۋسۋپوۆا, بولات ايحانوۆ, جەڭٸس سەيدۋللا سىندى ەلگە تانامال ازاماتتار قاتىسىپ, جاستارعا ٷلگٸ-ٶنەگە كٶرسەتتٸ.
ٶز كەزەگەندە شاراعا قاتىسقان ازاماتتار مەملەكەتتٸك تۋدى قورعاۋدىڭ قانشالىقتى ماڭىزدى ەكەنٸن جارىسا جازىپ, ويلارىن ورتاعا سالدى.
«مەن تۋىمدى ماقتان ەتەمٸن» دەپ اتالاتىن شارا وتانداستارىمىزدىڭ بٸر جۇدىرىق بولىپ جۇمىلىپ, بٸرلٸك پەن تاتۋلىقتى ساقتاي الاتىنىن كٶرسەتتٸ.
– كٶك بايراعىمىز ميلليونداعان ەل ازاماتتارىنىڭ باسىن بٸرٸكتٸرٸپ, جٷرەك تٷكٸپٸرٸندەگٸ وتانشىلىق سەزٸمٸن وياتقانىن كٶرگەندە بويىمدى قۋانىش سەزٸمٸ بيلەدٸ. وسىلايشا بٸزدەر بٸر اۋىزدان وتانعا دەگەن سٷيٸسپەنشٸلٸگٸمٸزدٸ پاش ەتتٸك. ۇلتىمىزدى ۇيىمداستىرىپ, بٸرلٸگٸمٸزدٸ ساقتاپ تۇرعان كٶك بايراعامىز ەرقاشان بيٸك جەلبٸرەپ, ەلٸمٸزدٸڭ مەرەيٸ ٷستەم ەتسٸن! – دەپ بەلگٸلٸ ەنشٸ جەڭٸس سەيدۋللا ويىن ورتاعا سالدى.
