«مەن تۋىمدى ماقتان ەتەمىن» دەگەن ۇران شەڭبەرىندە وتكەن اكسياعا ماقپال ءجۇنىسوۆا، روزا رىمبايەۆا، جانار ايجانوۆ، ەرجان ماكسيم، ەلدوس سمەتوۆ، ءاليا يۋسۋپوۆا، بولات ايحانوۆ، جەڭىس سەيدۋللا سىندى ەلگە تانامال ازاماتتار قاتىسىپ، جاستارعا ۇلگى-ونەگە كورسەتتى.
ءوز كەزەگەندە شاراعا قاتىسقان ازاماتتار مەملەكەتتىك تۋدى قورعاۋدىڭ قانشالىقتى ماڭىزدى ەكەنىن جارىسا جازىپ، ويلارىن ورتاعا سالدى.
«مەن تۋىمدى ماقتان ەتەمىن» دەپ اتالاتىن شارا وتانداستارىمىزدىڭ ءبىر جۇدىرىق بولىپ جۇمىلىپ، بىرلىك پەن تاتۋلىقتى ساقتاي الاتىنىن كورسەتتى.
– كوك بايراعىمىز ميلليونداعان ەل ازاماتتارىنىڭ باسىن بىرىكتىرىپ، جۇرەك تۇكىپىرىندەگى وتانشىلىق سەزىمىن وياتقانىن كورگەندە بويىمدى قۋانىش سەزىمى بيلەدى. وسىلايشا بىزدەر ءبىر اۋىزدان وتانعا دەگەن سۇيىسپەنشىلىگىمىزدى پاش ەتتىك. ۇلتىمىزدى ۇيىمداستىرىپ، بىرلىگىمىزدى ساقتاپ تۇرعان كوك بايراعامىز ءارقاشان بيىك جەلبىرەپ، ەلىمىزدىڭ مەرەيى ۇستەم ەتسىن! – دەپ بەلگىلى ءانشى جەڭىس سەيدۋللا ويىن ورتاعا سالدى.
