جىل باسىنان بەرٸ ٸشكٸ ٸستەر مينيسترلٸگٸنٸڭ جەدەل قىزمەتتەرٸ ٸزدەۋدە جٷرگەن 300-دەن استام قىلمىسكەردٸ ۇستادى, سونداي-اق حابار-وشارسىز كەتكەن 200-دەن استام ادامدى انىقتادى, دەپ حابارلايدى Dalanews.kz.
ٸشكٸ ٸستەر مينيسترلٸگٸنٸڭ مەلٸمەتٸنشە, مەسەلەن, پاۆلودار وبلىسىنىڭ كەنتتەرٸنٸڭ بٸرٸندە جەدەل-ٸزدەستٸرۋ ٸس-شارالارىن جٷرگٸزۋ كەزٸندە پاۆلودارلىق تۇرعىندى اتىس قارۋىمەن اتىپ ٶلتٸرگەنٸ ٷشٸن 2011 جىلدان بەرٸ حالىقارالىق ٸزدەۋدە جٷرگەن دانات باكيباەۆ ۇستالدى.
ال الماتى وبلىسىندا سابىرجان ماساحباەۆ ۇستالدى. ول 2023 جىلدىڭ اياعىندا الماتىدا الدىن الا سٶز بايلاسۋ ارقىلى سينگاپۋر ازاماتىنا شابۋىل جاساپ, 3 ملن تەڭگە مەن 13 مىڭ اقش دوللارىنان استام اقشانى تارتىپ العان. ۇستالعان ادامنىڭ سىبايلاستارى بۇرىن قۇرىقتالعان.
تٷركٸستان وبلىسىندا پوليتسييا 10 جىل بويى حالىقارالىق ٸزدەۋدە جٷرگەن ٶزبەكستان ازاماتى جامشيد احمەدوۆتٸ ۇستادى. شەتەلدٸك ازامات سارىاعاش اۋدانىنداعى "جٸبەك جولى" شەكارا بەكەتٸندە شەكارادان ٶتۋ كەزٸندە قاماۋعا الىندى. ەر ادام 2014 جىلدان باستاپ رەسەي فەدەراتسيياسىنىڭ يركۋتسك قالاسىندا كٸسٸ ٶلتٸرگەنٸ ٷشٸن ٸزدەۋدە بولدى.
ٸٸم جەدەل بٶلٸنٸستەرٸنٸڭ قىزمەتكەرلەرٸ شىمكەنتتە كٶرشٸ مەملەكەتتٸڭ قۇقىق قورعاۋشىلارىمەن الاياقتىق جاساعانى ٷشٸن ٸزدەۋدە جٷرگەن تاعى بٸر ٶزبەكستاندىق مارۋفجون جۋراەۆتى ۇستادى.
