Jyl basynan beri ishki ister ministrliginiń jedel qyzmetteri izdeýde júrgen 300-den astam qylmyskerdi ustady, sondai-aq habar-osharsyz ketken 200-den astam adamdy anyqtady, dep habarlaidy Dalanews.kz.
Ishki ister ministrliginiń málimetinshe, máselen, Pavlodar oblysynyń kentteriniń birinde jedel-izdestirý is-sharalaryn júrgizý kezinde pavlodarlyq turǵyndy atys qarýymen atyp óltirgeni úshin 2011 jyldan beri halyqaralyq izdeýde júrgen Danat Bakibaev ustaldy.
Al Almaty oblysynda Sabyrjan Masahbaev ustaldy. Ol 2023 jyldyń aiaǵynda Almatyda aldyn ala sóz bailasý arqyly Singapýr azamatyna shabýyl jasap, 3 mln teńge men 13 myń AQSh dollarynan astam aqshany tartyp alǵan. Ustalǵan adamnyń sybailastary buryn quryqtalǵan.
Túrkistan oblysynda politsiia 10 jyl boiy halyqaralyq izdeýde júrgen Ózbekstan azamaty Jamshid Ahmedovti ustady. Sheteldik azamat Saryaǵash aýdanyndaǵy "Jibek joly" shekara beketinde shekaradan ótý kezinde qamaýǵa alyndy. Er adam 2014 jyldan bastap Resei Federatsiiasynyń Irkýtsk qalasynda kisi óltirgeni úshin izdeýde boldy.
IIM jedel bólinisteriniń qyzmetkerleri Shymkentte kórshi memlekettiń quqyq qorǵaýshylarymen alaiaqtyq jasaǵany úshin izdeýde júrgen taǵy bir ózbekstandyq Marýfjon Jýraevty ustady.
