«AMANAT» پارتياسىنىڭ حاتشىسى جىگەر قالييەۆتىڭ ايتۋىنشا، ورىن الىپ وتىرعان جاعداي مەملەكەتتىڭ پەداگوگتاردى قولداۋ ءۇشىن جۇمساعان بار كۇش-جىگەرىن زايا كەتىرەدى.
– ءماجىلىس دەپۋتاتتارى مەن پارتيانىڭ ايماقتارداعى قوعامدىق قابىلداۋ بولمەلەرىنە مەكتەپ مۇعالىمدەرىنەن ەڭبەك دەمالىسىنىڭ اقىسى مەن ساۋىقتىرۋ جاردەماقىسىنىڭ تولىق جانە ۋاقتىلى تولەنبەۋ فاكتىلەرى بويىنشا كوپتەگەن شاعىم كەلىپ ءتۇستى. پارتيا مۇشەلەرىنىڭ 30%-دان استامى – ءبىلىم بەرۋ سالاسىنىڭ وكىلدەرى. سوندىقتان بۇگىن ءبىز پارتيا الاڭىنا وكىلەتتى مينيسترلىكتەردىڭ وكىلدەرىن شاقىردىق جانە بەينەكونفەرەنسيا بايلانىسى ارقىلى بارلىق ءوڭىر قوسىلىپ وتىر، – دەدى جىگەر قالييەۆ.
ءوز كەزەگىندە كەڭەس ءتوراعاسىنىڭ ورىنباسارى، «AMANAT» پارتياسىنان سايلانعان ءماجىلىس دەپۋتاتى جۇلدىز سۇلەيمەنوۆا ءبىلىم سالاسىن دامىتىپ، ۇستازداردىڭ مارتەبەسىن كوتەرۋدى پارتيا ءوزىنىڭ سايلاۋالدى باعدارلاماسىندا بەلگىلەپ، قولداپ كەلە جاتقانىن العا تارتتى.
– پاندەميادان كەيىنگى وقۋ جىلى ۇستازدارىمىز ءۇشىن دە وڭاي بولعان جوق. وسىنداي كەزدە مۇعالىمدەرگە قاتىستى مۇنداي جاعدايدىڭ ورىن العانى ءجونسىز. كەڭەسكە قاي مەكتەپتىڭ، قاي ءمۇعالىمى تولەم الماعانى تۋرالى مالىمەت بەرىلۋى ءتيىس. ال 30 ماۋسىمعا دەيىن بارلىق قاراجات تولەنۋى قاجەت، – دەدى دەپۋتات.
ق ر ءبىلىم جانە عىلىم ۆيسە-مينيسترى عاني بەيسەمبايەۆتىڭ ايتۋىنشا، ماسەلە جەرگىلىكتى اتقارۋشى ورگانداردىڭ بيۋدجەتتى دۇرىس جوسپارلاماۋىنان تۋىنداعان.
– قازىرگى تاڭدا وڭىرلەر تولەمدەردىڭ 92،5%-عا جۇزەگە اسىرىلعانىن حابارلادى. جاقىن ارادا بارلىق مۇعالىمدەر ءتيىستى قاراجاتتى الادى، – دەپ سەندىردى ۆيسە-مينيستر.
الايدا جەرگىلىكتى اتقارۋشى ورگانداردىڭ وكىلدەرى تولەمدەر قاراجاتتى ىشكى قايتا ءبولۋ ەسەبىنەن جۇرگىزىلەتىنىن جانە جىل سوڭىندا كوپشىلىگى بيۋدجەت تاپشىلىعىنا تاپ بولاتىنىن العا تارتتى.
ءماجىلىس دەپۋتاتى، «AMANAT» فراكسياسىنىڭ مۇشەسى يۋليا كۋچينسكايا ماسەلەنىڭ ءتۇپ-تامىرىنا ءۇڭىلىپ، ونى جۇيەلى تۇردە شەشۋ كەرەك دەپ ەسەپتەيدى.
– بۇگىن وڭىرلەردى وسى ولقىلىقتىڭ ورنىن تولتىرىپ، ماسەلەنى تەز ارادا شەشۋ ءۇشىن تاعى دا قاجەتتى قاراجاتتى تابۋعا ماجبۇرلەدى. ءبىراق سول ايماقتاردىڭ وزدەرىنەن بۇل اقشانى قايدان العانىن سۇرايىقشى. ەرتەڭ تاعى دا جەرگىلىكتى اتقارۋشى ورگاندار كىنالى بولىپ شىعادى جانە وسى تەتىكتەردىڭ بارلىعى ءبىر پروبلەمادان ەكىنشىسىنە ۇلاسادى. بۇل جەردە وقۋ-اعارتۋ مينيسترلىگى جاقسى بولىپ قالعىسى كەلەتىنىن تۇسىنەمىن. ءبىراق بۇل جەرگىلىكتى اتقارۋشى ورگانداردىڭ جۇمىسىن دۇرىس اتقارماعانىنان ورىن الدى دەۋ دۇرىس ەمەس. مينيسترلىكتىڭ جىبەرىلگەن قاتەلىكتەر مەن ورىن العان ماسەلەنى مويىنداعىسى كەلمەۋى ۇنەمى بيۋدجەت قاراجاتىنىڭ تاپشىلىعىنا الىپ كەلدى، – دەپ تولىقتىردى حالىق قالاۋلىسى.
