18 مامىردا اتىراۋ سوتىندا جانگەلدين اۋىلىندا بٸر وتباسىنىڭ ٶلٸمٸنە قاتىستى رەزونانستى ٸستٸڭ مەن-جايى ايتىلدى. قايعىلى وقيعا سالدارىنان ەرلٸ-زايىپتى مەن ولاردىڭ ەرەسەك ەكٸ بالاسى قازا تاپقان. قىلمىستىڭ مەن-جايىن الدىن الا سوت تىڭداۋى كەزٸندە مەملەكەتتٸك ايىپتاۋشى وقىدى, دەپ حابارلايدى dalanews.kz.
ايىپتاۋ تاراپىنىڭ نۇسقاسى بويىنشا, سوتتالۋشى سۇلتان سەرسەماليەۆ بارلىق ەپيزود كەزٸندە بٸر عانا اسٷي پىشاعىن قولدانعان. ٸس ماتەريالدارىنا سەيكەس, ول پىشاقتى ٶزٸمەن بٸرگە الىپ جٷرگەن جەنە وتباسىنىڭ بٸرنەشە مٷشەسٸنە شابۋىل جاساعان كەزدە پايدالانعان.
اتاپ ايتقاندا, سوتتا سۇلتان سەرسەماليەۆتٸڭ بۇرىنعى جۇبايىنىڭ ەپكەسٸ ميرامگٷل قارابالينانىڭ ٶلٸمٸنە قاتىستى دەرەكتەر جارييالاندى. سوتتا ايتىلعانداي, ميرامگٷل سٸڭلٸسٸنە قوناققا كەلگەن كەزدە ونىڭ تۇرمىس جاعدايىنا كٶڭٸلٸ تولماعانىن بٸلدٸرگەن. ٷيدە ازىق-تٷلٸكتٸڭ جوقتىعى جەنە باسپانانىڭ جاي-كٷيٸ ونىڭ نارازىلىعىن تۋعىزعان. تەرگەۋ نۇسقاسى بويىنشا, دەل وسى سٶزدەر سەرسەماليەۆتٸڭ اشۋىن كەلتٸرگەن.
"وسى سەتتە ميرامگٷل قارابالينانىڭ تۇرمىستىق جەنە ماتەريالدىق جاعدايعا قاتىستى ايتقان سٶزدەرٸ سۇلتان سەرسەماليەۆتٸڭ اشۋىن تۋدىرعان", – دەلٸنگەن ايىپتاۋ اكتٸسٸندە.
ايىپتاۋ دەرەگٸنشە, ول قىلمىستىق ويىن جٷزەگە اسىرۋ ٷشٸن اسٷيدەگٸ توڭازىتقىشتىڭ ٷستٸندە تۇرعان پىشاقتى العان. تەرگەۋ مەلٸمەتٸنە سەيكەس, بۇل پىشاق بۇعان دەيٸنگٸ كٸسٸ ٶلتٸرۋ وقيعالارىندا دا قولدانىلعان جەنە ونى سوتتالۋشى قىزىلقوعا اۋدانىنان الىپ كەلگەن. سەرسەماليەۆ بۇرىنعى ەيەلٸنٸڭ ەپكەسٸنە كەۋدە, ارقا جەنە ٸش تۇسىنان بٸرنەشە رەت پىشاق سۇققان.
"ميرامگٷل قارابالينا العان جاراقاتتارىنان ەدەنگە قۇلاعان كەزدە, ونىڭ تۇرمىستىق جەنە ماتەريالدىق جاعدايعا قاتىستى ايتقان سٶزدەرٸنەن كەيٸن سوتتالۋشىدا ونى اسا قاتىگەزدٸكپەن ٶلتٸرۋ نيەتٸ پايدا بولعان", – دەلٸنگەن ايىپتاۋ اكتٸسٸندە.
وسىدان كەيٸن ول جەردە جاتقان ەيەلگە تاعى دا بٸرنەشە رەت پىشاق سۇققان. ايىپتاۋ اكتٸسٸندە سوققىلاردىڭ كەۋدە, ٸش, قول جەنە بەت تۇسىنا جاسالعانى ايتىلعان.
ٸس ماتەريالدارىنا سەيكەس, ميرامگٷل قارابالينانىڭ قايتىس بولعانىنا كٶز جەتكٸزگەننەن كەيٸن سەرسەماليەۆ ونىڭ دەنەسٸن كٸلەمگە وراپ, ٷيدٸڭ كٸرەبەرٸسٸندەگٸ بٶلمەگە الىپ شىققان.
تەرگەۋ نۇسقاسى بويىنشا, قىلمىستىڭ ٸزٸن جاسىرۋ ٷشٸن ول ەيەلدٸڭ دەنەسٸن بۇعان دەيٸن ونىڭ اعاسى ناۋرىز مۇقانعاليەۆتٸڭ دەنەسٸ جاسىرىلعان شۇڭقىرعا كٶمۋگە شەشٸم قابىلداعان.
"سول كٷنٸ شامامەن ساعات 21:00-دە ول اۋلاعا شىعىپ, بۇرىن كٶمٸلگەن شۇڭقىردىڭ شامامەن 30 سانتيمەتر بٶلٸگٸن قايتا قازعان. كەيٸن كٸلەمگە ورالعان دەنەنٸ سول جەرگە اپارىپ, شۇڭقىرعا تاستاعان. سودان سوڭ شۇڭقىردى تولىقتاي كٶمٸپ, دەنەلەردٸ جاسىرعان", – دەدٸ پروكۋرور.
