قىتايمەن شەكارادا بىرنەشە كۇننەن بەرى جۇك كولىكتەرى قاڭتارىلىپ تۇر، دەپ حابارلايدى Dalanews.kz.

جاڭا دەرەك

ulysmedia.kz مالىمەتىنشە، اراسىندا ادام قايتىس بولعان. باسىلىم كولىك جۇرگىزۋشىلەرمەن تىلدەسكەن. ولاردىڭ سوزىنشە، ءقازىر كەزەكتە تۇرعان كولىك سانى - شامامەن 3-4 مىڭ.

"نەشە كۇننەن بەرى ەل كەزەكتە تۇر. ادام قايتىس بولىپ جاتىر ارامىزدا جۇرەگى توقتاپ. بۇل ءبىرىنشى رەت ەمەس. وتكەندە دە وسىنداي بولىپ، تاعى ادام قايتىس بولعان... ءقازىر شامامەن 3-4 مىڭ كولىك تۇر. الدىندا 70 شاقىرىمعا دەيىن تۇرعان. ءقازىر ازايىپتى عوي"، – دەگەن رۋسلان ەسىمدى كولىك جۇرگىزۋشىسى باسىلىمعا.

بۇعان دەيىنگى جاعداي

قازاقستاننىڭ مەملەكەتتىك كىرىستەر كوميتەتى 11 قاراشادا جاعدايعا پىكىر ءبىلدىردى. Dalanews.kz بۇل تۋرالى جازعان ەدى.

سول كەزدە "نۇر جولى" وتكىزۋ پۋنكتى الدىندا شامامەن 1500 جۇك كولىگى ۋاقىتشا جينالعانى حابارلاندى. 8-12 قاراشا ارالىعىندا جۇڭگو تاراپى ناقتى قابىلداعان كولىكتەر سانى تاۋلىگىنە ورتا ەسەپپەن 700-750-گە جەتكەن. ۆەدومستۆو مالىمەتىنشە، بۇل قازاقستاندىق تاراپتاعى كولىك ۋاقىتشا جينالۋىنا نەگىزگى سەبەپ بولعان.