Qytaimen shekarada birneshe kúnnen beri júk kólikteri qańtarylyp tur, dep habarlaidy Dalanews.kz.
Jańa derek
ulysmedia.kz málimetinshe, arasynda adam qaitys bolǵan. Basylym kólik júrgizýshilermen tildesken. Olardyń sózinshe, qazir kezekte turǵan kólik sany - shamamen 3-4 myń.
"Neshe kúnnen beri el kezekte tur. Adam qaitys bolyp jatyr aramyzda júregi toqtap. Bul birinshi ret emes. Ótkende de osyndai bolyp, taǵy adam qaitys bolǵan... Qazir shamamen 3-4 myń kólik tur. Aldynda 70 shaqyrymǵa deiin turǵan. Qazir azaiypty ǵoi", – degen Rýslan esimdi kólik júrgizýshisi basylymǵa.
Buǵan deiingi jaǵdai
Qazaqstannyń Memlekettik kirister komiteti 11 qarashada jaǵdaiǵa pikir bildirdi. Dalanews.kz bul týraly jazǵan edi.
Sol kezde "Nur joly" ótkizý pýnkti aldynda shamamen 1500 júk kóligi ýaqytsha jinalǵany habarlandy. 8-12 qarasha aralyǵynda Qytai tarapy naqty qabyldaǵan kólikter sany táýligine orta eseppen 700-750-ge jetken. Vedomstvo málimetinshe, bul qazaqstandyq taraptaǵy kólik ýaqytsha jinalýyna negizgi sebep bolǵan.
