بۇگىن كەنتاۋ قالاسىندا زاماناۋي ۇلگىدەگى جەكەمەنشىك «Grant high school» مەكتەبىنىڭ لەنتاسى قيىلدى. اشىلۋ سالتاناتىنا قالا اكىمى جاندوس تاسوۆ،  ءبىرقاتار زيالى قاۋىم وكىلدەرى مەن مەكتەپ پەداگوگتارى جانە اتا-انالار قاتىستى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

بۇگىندە جالپى سانى 250 بالاعا ارنالعان ءبىلىم وشاعىندا قۇجات قابىلداۋ جۇمىستارى جۇرگىزىلۋدە. وسىعان دەيىن، 10-11 سىنىپ ارالىعىنداعى 220 وقۋشىنىنىڭ قۇجاتتارى قابىلدانىپ ۇلگەرگەن.

جيىن بارىسىندا قالا باسشىسى مەكتەپ ۇجىمى مەن وقۋشىلاردى جاڭا وقۋ جىلىنىڭ باستالۋىمەن جانە اتا زاڭىمىزدىڭ قابىلدانعان كۇنىمەن قۇتتىقتاپ، جىلى لەبىزىن ءبىلدىردى.

مەملەكەتتىك ستاندارتقا تولىقتاي ساي كەلەتىن مەكتەپتە ءار وقۋشىنىڭ تاڭداعان باعىتىنا قاراي پاندەرى تەرەڭدەتىلىپ وقىتىلادى. سونداي-اق بالاعا تۇسكە دەيىن بەلگىلەنگەن كەستە بويىنشا ساباق وقىتىلسا، تۇستەن كەيىن ماماندىققا بەيىمدەلگەن ءبىلىم بەرۋ جۇيەسى بويىنشا ساباق جۇرگىزىلەدى.

جەكەمەنشىك مەكتەپتە  بالالاردىڭ ءبىلىم الۋىنا بارلىق جاعداي جاسالعان. ايتا كەتەيىك، جاڭا مەكتەپتە وقۋ بولمەلەرى، كومپيۋتەر سىنىبى، ءماجىلىس زالى، اسحانا، كىتاپحانامەن قامتىلعان.