Búgin Kentaý qalasynda zamanaýı úlgidegi jekemenshik «Grant high school» mektebiniń lentasy qıyldy. Ashylý saltanatyna qala ákimi Jandos Tasov,  birqatar zıaly qaýym ókilderi men mektep pedagogtary jáne ata-analar qatysty, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Búginde jalpy sany 250 balaǵa arnalǵan bilim oshaǵynda qujat qabyldaý jumystary júrgizilýde. Osyǵan deıin, 10-11 synyp aralyǵyndaǵy 220 oqýshynynyń qujattary qabyldanyp úlgergen.

Jıyn barysynda qala basshysy mektep ujymy men oqýshylardy jańa oqý jylynyń bastalýymen jáne Ata zańymyzdyń qabyldanǵan kúnimen quttyqtap, jyly lebizin bildirdi.

Memlekettik standartqa tolyqtaı saı keletin mektepte ár oqýshynyń tańdaǵan baǵytyna qaraı pánderi tereńdetilip oqytylady. Sondaı-aq balaǵa túske deıin belgilengen keste boıynsha sabaq oqytylsa, tústen keıin mamandyqqa beıimdelgen bilim berý júıesi boıynsha sabaq júrgiziledi.

Jekemenshik mektepte  balalardyń bilim alýyna barlyq jaǵdaı jasalǵan. Aıta keteıik, jańa mektepte oqý bólmeleri, kompúter synyby, májilis zaly, ashana, kitaphanamen qamtylǵan.