ورتالىقتىڭ اشىلۋ سالتاناتىنا تٷركٸستان وبلىسى ەكٸمٸنٸڭ ورىنباسارى ەربول تاسجٷرەكوۆ, كەنتاۋ قالاسىنىڭ ەكٸمٸ ەبدٸباقىت ماقۇلباەۆ, تٷركٸستان وبلىسىنىڭ دەنساۋلىق ساقتاۋ باسقارماسىنىڭ باسشىسى مۇقان ەگٸزباەۆ جەنە مەديتسينا سالاسىنىڭ ارداگەرلەرٸ قاتىستى.
اۋرۋحانا بازاسىندا اشىلعان ينسۋلت ورتالىعى كومپيۋتەرلٸك توموگرافييامەن جابدىقتالدى. زامان تالابىنا ساي جاڭا قوندىرعى ينسۋلت پەن باس مي جاراقاتىن ناقتى انىقتاۋعا مٷمكٸندٸك بەرەدٸ. وسى ۋاقىتقا دەيٸن كەنتاۋ قالاسىنىڭ تۇرعىندارى تٷركٸستان قالاسىنا قاتىناپ ەم الۋعا مەجبٷر بولعان.
جاپوندىق Optima 540 كومپيۋتەرلٸك توموگرافيياسى وبلىستىق بيۋدجەت ەسەبٸنەن 269 ملن. 500 مىڭ تەڭگەگە ساتىپ الىنىپ ورناتىلعان.
تٷركٸستان وبلىستىق دەنساۋلىق ساقتاۋ باسقارماسىنىڭ باسشىسى مۇقان ەگٸزباەۆتىڭ ايتۋىنشا, كەلەسٸ جىلدان باستاپ جاڭا وبلىس ورتالىعىندا بٸرنەشە اۋرۋحانا مەن ەمحانالار, پەرزەنتحانالار مەن زاماناۋي تالاپقا ساي ەمدەۋ ورتالىقتارى بوي كٶتەرمەك. جوبالاۋ جۇمىستارىنا شەتەلدٸك كومپانييالار دا تارتىلادى دەپ كٷتٸلۋدە.
– جوسپار بويىنشا وبلىس ورتالىعىنان 610 ورىندىق وبلىستىق كٶپسالالى اۋرۋحانا سالىنادى. ەكٸنشٸدەن, وبلىستىق بالالار اۋرۋحاناسىنا قوسىمشا 150 ورىندىق عيمارات قۇرىلىسىن باستاۋ قولعا الىنىپ جاتىر. سونداي-اق, 500 كەلۋشٸگە ارنالعان ەمحانا مەن وبلىستىق قان جەنە سپيد ورتالىقتارىنىڭ, تۋبەركۋلەزگە قارسى جەنە ونكولوگييالىق ديسپانسەردٸڭ قۇرىلىسى باستالادى. بۇل ماقساتتا جوبالاۋ-سمەتالىق قۇجاتتارىنا قاجەتتٸ قارجى بٶلٸندٸ, – دەيدٸ باسقارما باسشىسى.
جوبالاۋ جۇمىستارىنا شەتەلدٸك كومپانييالار دا تارتىلادى دەپ كٷتٸلۋدە.
سونىمەن قاتار, تٷركٸستان وبلىسىنا بٸرنەشە مەديتسينالىق نىساندى سالۋ ٷشٸن رەسپۋبليكادان قاراجات بٶلۋ سۇرالعان. مەسەلەن, تٷركٸستانداعى پەريناتالدىق ورتالىقتىڭ جانىنان قوسىمشا 150 ورىندىق عيمارات سالۋ قاجەتتٸگٸ تۋىنداپ وتىر. كەنتاۋ قالاسى مەن سايرام, جەتٸساي اۋداندارىنا, مىرزاكەنت پەن اتاكەنت كەنتتەرٸنە 5 ەمحانا سالۋعا دا رەسپۋبليكادان قارجى بٶلۋ جاعى قاراستىرىلۋدا. سونداي-اق, دەرٸگەرلەردٸڭ بٸلٸكتٸلٸگٸن ارتتىرۋ مەسەلەسٸ جٷزەگە اسىپ جاتىر. جاقىندا تٷركٸستاندىق ماماندار رەسەيگە بارىپ, سونداعى بٸلٸكتٸ دەرٸگەرلەرمەن تەجٸريبە الماسىپ كەلەدٸ.
تٷركٸستان وبلىسى ەكٸمٸنٸڭ باسپاسٶز قىزمەتٸ
