ەلىمىزدىڭ بارلىق ايماقتارىندا قىزۋ قولداۋ تاۋىپ جاتقان لاتىن گرافيكاسىنا ءوتۋ ماسەلەسىنە قوعامنىڭ كەز-كەلگەن ورتاسى ءوز ويلارىن قوسۋعا اسىق.
ءقازىر قوعام ەكى ءتىلدى قوسا الىپ ءجۇر. ەگەر لاتىنعا وتسەك، وسى ولقىلىق جويىلار ەدى. ويتكەنى، لاتىن الىپبيىنە كوشۋ ارقىلى ءبىز تىلدىك قولدانىسىمىزدىڭ تارازى باسىن تەڭەستىرەر ەدىك. لاتىن ءالىپبيى – الەم قازاقتارىنىڭ رۋحاني بىرلىگىنىڭ نەگىزى. ءححى عاسىر – اقپارات عاسىرى دەسەك، بۇگىنگ كومپيۋتەر زامانىندا الەمدىك عالامتور جۇيەسىندەگى اقپارات كىمنىڭ قولىندا بولسا، سول ءوز بيلىگىن ەمىن-ەركىن جۇرگىزە الادى. ال، اقپاراتتىڭ باستى قۇرالى – جازۋ. ياعني، عالامتور جۇيەسىندە ۇستەمدىك جاساۋشى، ول – لاتىن گرافيكاسى، – دەدى كەنتاۋ قالالىق «جاستار ورتالىعىنىڭ» ديرەكتورى قانات بەكمەتوۆ.
