Kentaý jastary latyn álipbiine ótýdi qolaidy!
Elimizdiń barlyq aimaqtarynda qyzý qoldaý taýyp jatqan latyn grafikasyna ótý máselesine qoǵamnyń kez-kelgen ortasy óz oilaryn qosýǵa asyq.
Qazir qoǵam eki tildi qosa alyp júr. Eger latynǵa ótsek, osy olqylyq joiylar edi. Óitkeni, latyn álipbiine kóshý arqyly biz tildik qoldanysymyzdyń tarazy basyn teńestirer edik. Latyn álipbii – álem qazaqtarynyń rýhani birliginiń negizi. HHI ǵasyr – aqparat ǵasyry desek, búging kompiýter zamanynda álemdik ǵalamtor júiesindegi aqparat kimniń qolynda bolsa, sol óz biligin emin-erkin júrgize alady. Al, aqparattyń basty quraly – jazý. Iaǵni, ǵalamtor júiesinde ústemdik jasaýshy, ol – latyn grafikasy, – dedi Kentaý qalalyq «Jastar ortalyǵynyń» direktory Qanat Bekmetov.
