الاشتانۋشى، عالىم سۇلتانحان اقق ۇلى قازاقستان 30 جىلدان بەرى كەنەسارى حاننىڭ باسسۇيەگىن نەگە ەلگە قايتارا الماي وتىرعانى جايلى ايتتى، - دەپ حابارلايدى Dalanews.kz.
بۇل تۋرالى عالىم "BILGEN DURYS" باعدارلاماسىندا ايتتى. ونىڭ سوزىنشە، كەنەسارىنىڭ باسسۇيەگىن ەلگە قايتارۋعا تۇبەگەيلى قارسى بولعان ادام - ەكس پرەزيدەنت نۇرسۇلتان نازاربايەۆ.
"ويتكەنى كەنەسارىنىڭ باسسۇيەگى كەلسە، ونىڭ حالىق الدىنداعى بيىك ابىروي-بەدەلى، اتاعى كولەڭكەدە قالىپ قويادى. سول سەبەپتى نازاربايەۆتىڭ بيلىك زامانىندا نازاربايەۆ ءبىر كەنەسارىنىڭ باسسۇيەگى ەمەس، وسى بۇگىنگى مەملەكەتتىڭ ىرگە تاسىن قالاپ، ونىڭ شەكاراسىن بەلگىلەپ، ونى 2،5 جىلداي تۇڭعىش پرەزيدەنت رەتىندە باسقارعان اليحان بوكەيحاندى 2016 جىلى تۋعانىنا 150 جىل بولعان مەرەيتويىن يۋنەسكو اياسىندا تويلاتۋعا تۇبەگەيلى قارسى بولدى.
سول سەبەپتى بيۋدجەتتەن سول كەزدەگى پرەمەر-مينيستر كارىم ءماسىموۆتىڭ اۋزىمەن 2015-2017 جىلدارداعى ءۇش جىلدىق بيۋدجەتتە اليحاننىڭ مەرەيتويىن تويلاۋعا قارجى قاراستىرىلماعان دەپ قۇتىلدى. بايقاساڭىز، بيىل نازاربايەۆتىڭ بيلىكتەن كەتكەنىنە تۋرا 5 جىل تولىپ وتىرسا، سول 5 جىلدان بەرى نازاربايەۆتىڭ الاش تاقىرىبىنا، كەنەسارىعا دەگەن كوزقاراسىنا ءالى ەكپىنمەن كەلە جاتىر. سول سەبەپتى ق ر جاڭا استاناسى - استانا قالاسىندا الاش قايراتكەرلەرىنىڭ بىرىنە لايىقتى ەسكەرتكىش ورناتىلعان جوق"، - دەيدى سۇلتانحان اقق ۇلى.
