Alashtanýshy, ǵalym Sultanhan Aqquly Qazaqstan 30 jyldan beri Kenesary hannyń bassúiegin nege elge qaitara almai otyrǵany jaily aitty, - dep habarlaidy Dalanews.kz.
Bul týraly ǵalym "BILGEN DURYS" baǵdarlamasynda aitty. Onyń sózinshe, Kenesarynyń bassúiegin elge qaitarýǵa túbegeili qarsy bolǵan adam - eks prezident Nursultan Nazarbaev.
"Óitkeni Kenesarynyń bassúiegi kelse, onyń halyq aldyndaǵy biik abyroi-bedeli, ataǵy kóleńkede qalyp qoiady. Sol sebepti Nazarbaevtyń bilik zamanynda Nazarbaev bir Kenesarynyń bassúiegi emes, osy búgingi memlekettiń irge tasyn qalap, onyń shekarasyn belgilep, ony 2,5 jyldai tuńǵysh prezident retinde basqarǵan Alihan Bókeihandy 2016 jyly týǵanyna 150 jyl bolǵan mereitoiyn IýNESKO aiasynda toilatýǵa túbegeili qarsy boldy.
Sol sebepti biýdjetten sol kezdegi premer-ministr Kárim Másimovtyń aýzymen 2015-2017 jyldardaǵy úsh jyldyq biýdjette Alihannyń mereitoiyn toilaýǵa qarjy qarastyrylmaǵan dep qutyldy. Baiqasańyz, biyl Nazarbaevtyń bilikten ketkenine týra 5 jyl tolyp otyrsa, sol 5 jyldan beri Nazarbaevtyń Alash taqyrybyna, Kenesaryǵa degen kózqarasyna áli ekpinmen kele jatyr. Sol sebepti QR jańa astanasy - Astana qalasynda Alash qairatkerleriniń birine laiyqty eskertkish ornatylǵan joq", - deidi Sultanhan Aqquly.
