ەلورداداعى قىلمىستىق ىستەر جونىندەگى مامانداندىرىلعان اۋدانارالىق سوتتا "استانا ەكسپو-2017" ۇلتتىق كومپانياسىنان قاراجات جىمقىرۋ ءىسى بويىنشا باستى سوت وتىرىسى ءوتىپ جاتىر. بۇعان دەيىن پروكۋرورلار ۇلتتىق كومپانياداعى قاراجات جىمقىرۋ سىزباسىن جاريالاي وتىرىپ، ايىپتاۋ قورىتىندىسىن وقىدى. سوت وتىرىسى كەزىندە تالعات ەرمەگيايەۆ وزىنە تاعىلعان ايىپتى مويىندامادى. ال 14 ايىپتالۋشى تاعىلعان كىنانى مويىندادى. ءىس بويىنشا 23 ادام ايىپتالىپ جاتىر.
"(...) مەن سوتقا سول كەزدە ەكونوميكالىق دامۋ جانە ساۋدا ءمينيسترى قىزمەتىن اتقارعان دوسايەۆ مىرزانى شاقىرىپ، ودان جاۋاپ الۋدى سۇرايمىن. ءبىرىنشى سۇراق بيۋدجەت بويىنشا: بيۋدجەت قالاي بەكىتىلدى؟ اكتىلەردىڭ ناقتىلىعى قانداي جولمەن تەكسەرىلدى؟ (…) دوسايەۆتىڭ قولى قويىلعاننان كەيىن ءار جارتى جىل سايىن مينيسترلىك مينيسترلەر كابينەتىنە اقپاراتتىق حات جولداپ وتىردى. وندا جۇمىستار ءبولىنىپ بەرىلدى. بۇل كومپانيانىڭ جۇمىستى تولىق اتقارۋىنا بايلانىستى بولىپ وتىر. مەن بۇل ەسەپتى دايىنداعان ادامدى جاريالامايمىن، دەگەنمەن قۇجاتتارعا دوسايەۆتىڭ قولى قويىلۋىنا بايلانىستى، ول سوتقا شاقىرىلۋى ءتيىس دەپ ەسەپتەيمىن"، - دەدى بوتاگوز بەيسەنوۆا.
سونىمەن قاتار، ول cوتقا ميلاندا وتكەن ەحرو-2015 كورمەسىندەگى قازاقستان ۇلتتىق سەكسياسىنىڭ باس كوميسسارى انۋاربەك ءمۋسيندى جانە سول ۋاقىتتا پرەمەر-مينيستردىڭ ورىنباسارى قىزمەتىن اتقارعان، مەملەكەتتىك كوميسسيانىڭ مۇشەسى بولعان قايرات كەلىمبەتوۆتى شاقىرۋدى مالىمدەدى.
سۋديا ءادىلحان شايحيسلاموۆ ءوتىنىشتىڭ ازىرشە اشىق كۇيدە قالدىرىلاتىنىن، ءىستىڭ بەسىنشى ەپيزودى كەزىندە قوسىمشا حابارلاناتىنىن مالىمدەدى.
"ايىپتاۋشىلاردىڭ كوبى بەسىنشى ەپيزود بويىنشا وتەدى، ولاردىڭ دا قورعاۋشىلارىن تىڭداعىم كەلەدى. (…) بۇل ءوتىنىش ازىرشە اشىق كۇيدە قالدىرىلسىن"، - دەدى شايحيسلاموۆ.
