Kelimbetov pen Dosaevty "Astana EKSPO-2017" kompaniiasyndaǵy qarajat jymqyrý isi boiynsha sotqa shaqyrý suraldy
Elordadaǵy qylmystyq ister jónindegi mamandandyrylǵan aýdanaralyq sotta "Astana EKSPO-2017" ulttyq kompaniiasynan qarajat jymqyrý isi boiynsha basty sot otyrysy ótip jatyr. Buǵan deiin prokýrorlar ulttyq kompaniiadaǵy qarajat jymqyrý syzbasyn jariialai otyryp, aiyptaý qorytyndysyn oqydy. Sot otyrysy kezinde Talǵat Ermegiiaev ózine taǵylǵan aiypty moiyndamady. Al 14 aiyptalýshy taǵylǵan kináni moiyndady. Is boiynsha 23 adam aiyptalyp jatyr.
"(...) Men sotqa sol kezde ekonomikalyq damý jáne saýda ministri qyzmetin atqarǵan Dosaev myrzany shaqyryp, odan jaýap alýdy suraimyn. Birinshi suraq biýdjet boiynsha: biýdjet qalai bekitildi? Aktilerdiń naqtylyǵy qandai jolmen tekserildi? (…) Dosaevtyń qoly qoiylǵannan keiin ár jarty jyl saiyn ministrlik ministrler kabinetine aqparattyq hat joldap otyrdy. Onda jumystar bólinip berildi. Bul kompaniianyń jumysty tolyq atqarýyna bailanysty bolyp otyr. Men bul esepti daiyndaǵan adamdy jariialamaimyn, degenmen qujattarǵa Dosaevtyń qoly qoiylýyna bailanysty, ol sotqa shaqyrylýy tiis dep esepteimin", - dedi Botagóz Beisenova.
Sonymen qatar, ol cotqa Milanda ótken EHRO-2015 kórmesindegi Qazaqstan ulttyq sektsiiasynyń bas komissary Ánýarbek Mýsindi jáne sol ýaqytta premer-ministrdiń orynbasary qyzmetin atqarǵan, memlekettik komissiianyń múshesi bolǵan Qairat Kelimbetovti shaqyrýdy málimdedi.
Sýdia Ádilhan Shaihislamov ótinishtiń ázirshe ashyq kúide qaldyrylatynyn, istiń besinshi epizody kezinde qosymsha habarlanatynyn málimdedi.
"Aiyptaýshylardyń kóbi besinshi epizod boiynsha ótedi, olardyń da qorǵaýshylaryn tyńdaǵym keledi. (…) Bul ótinish ázirshe ashyq kúide qaldyrylsyn", - dedi Shaihislamov.
