كەلەشەگٸ مول مەموراندۋم
تاراپتار ٶزارا يدەيا, اقپارات جەنە تەحنولوگييالارمەن الماسۋ ٷشٸن قولايلى جاعدايلار جاساۋ, كەلٸسٸلگەن باسىم باعىتتار مەن باعدارلامالار شەڭبەرٸندە بٸرلەسكەن زەرتتەۋلەر مەن ەزٸرلەمەلەردٸ ۇيىمداستىرۋ بويىنشا ەكٸجاقتى ىنتىماقتاستىقتىڭ نەگٸزگٸ مٸندەتتەرٸن اتاپ ٶتتٸ. بۇل مەموراندۋم بٸلٸم بەرۋ, عىلىمي-زەرتتەۋ قىزمەتٸندە جەنە قىزمەتكەرلەردٸڭ بٸلٸكتٸلٸگٸن ارتتىرۋدا بٸرلەسكەن قىزمەتتٸ جٷزەگە اسىرۋعا, سونداي-اق جاڭا ەزٸرلەمەلەر مەن جوبالاردى ٸسكە اسىرۋعا مٷمكٸندٸك بەرەدٸ.
جوو باسشىسى ۋنيۆەرسيتەتتٸڭ جەردٸ قاشىقتىقتان زوندتاۋ ورتالىعىنىڭ كەڭ مٷمكٸندٸكتەرٸن پايدالانا وتىرىپ, ماماندار ناقتى دەرەكتەر الىپ, بارلىق سالالاردا قاۋٸپتٸ تابيعي جەنە تەحنوگەندٸك قۇبىلىستاردىڭ الدىن الاتىن جەنە تٶتەنشە جاعدايلار كەزٸندە تەۋەكەلدەردٸ بارىنشا ازايتا الاتىنىن اتاپ ٶتتٸ. مەموراندۋم اياسىندا قاشىقتىقتان زوندتاۋ ارقىلى ماماندار «اۋىلدى, سەل مەن كٶشكٸن قاۋٸپسٸزدٸگٸن قامتاماسىز ەتۋدٸڭ 2020-2022 جىلدارعا ارنالعان كەشەندٸ جوسپارى» جول كارتاسى جوباسىمەن جۇمىس ٸستەيتٸن بولادى. كەزدەسۋ بارىسىندا گاج-تەحنولوگييالاردى قولدانا وتىرىپ, قاۋٸپتٸ ۋچاسكەلەر مەن مورەنالىق-مۇزدىق كٶلدەرگە اۆتوماتتاندىرىلعان مونيتورينگ جٷيەسٸن ۇيىمداستىرۋعا باسا نازار اۋدارىلدى.
«قازسەلدەنقورعاۋ» مم تٶراعاسى ك.ن. كٶكرەكباەۆ «قازسەلدەنقورعاۋ» قىزمەتٸ (سەل, تاسقىن, قار كٶشكٸنٸ) حالىقتى, شارۋاشىلىق وبەكتٸلەرٸن جەنە قر اۋماعىن قاۋٸپتٸ تابيعي قۇبىلىستاردىڭ ەسەرٸنەن سەنٸمدٸ قورعاۋدى قامتاماسىز ەتۋمەن اينالىساتىندىعىن ايتتى. تاۋلى ايماقتار ەل اۋماعىنىڭ شامامەن 15% الىپ جاتىر. كٶپتەگەن ەلدٸ مەكەندەر, ونىڭ ٸشٸندە الماتى, شىمكەنت, تاراز, ەسٸك, تالعار, قاسكەلەڭ, سارقان, جاركەنت, تەكەلٸ, مەركٸ جەنە باسقا دا (150-دەن استام) ايماقتارعا قاۋٸپ-قاتەر بار. قاۋٸپتٸ تابيعي قۇبىلىستاردىڭ ەسەر ەتۋٸ ىقتيمال ايماقتاردا 4 ميلليوننان استام ادام مەكەندەيدٸ. سوندىقتان دا ەل-فارابي اتىنداعى قازۇۋ-دا قول قويىلعان مەموراندۋم قوعامعا عانا ەمەس, ەلگە دە پايداسى زور بولماق.
