بٸلٸم كٷنٸندە الماتى وبلىسىندا «كەلەشەك مەكتەپتەرٸ» ۇلتتىق جوباسى اياسىندا سالىنعان بەس جاڭا مەكتەپ ەسٸگٸن ايقارا اشتى. بۇل بٸلٸم وردالارىندا 4200 وقۋشى بٸلٸم الادى. سونداي-اق توزىعى جەتكەن تاعى 10 بٸلٸم ورداسى كٷردەلٸ جٶندەۋدەن ٶتٸپ, بٷگٸن پايدالانۋعا بەرٸلدٸ. بيىل ٶڭٸردە 36 مىڭعا جۋىق بٷلدٸرشٸن العاش رەت مەكتەپ تابالدىرىعىن اتتادى. وسىلايشا, جاڭا وقۋ جىلىندا وبلىستاعى 502 جالپى بٸلٸم بەرەتٸن مەكتەپتە 384 مىڭنان استام وقۋشى تەربيەلەنەدٸ, دەپ حابارلايدى dalanews.kz.
الماتى وبلىسىندا ٷش اۋىسىمدى وقىتۋدى جويىپ, ساپالى بٸلٸم بەرۋ ماقساتىندا سوڭعى تٶرت جىلدا 75 جاڭا مەكتەپ اشىلىپ, 6 قوسىمشا جاپسارجاي سالىندى. ونىڭ 26-سى «كەلەشەك مەكتەپتەرٸ» ۇلتتىق جوباسى اياسىندا بوي كٶتەردٸ. نەتيجەسٸندە ٷش اۋىسىمدى بٸلٸم بەرۋ ۇيىمدارىنىڭ سانى 52-دەن 23-كە ازايىپ, شالعاي ەلدٸ مەكەندەردەگٸ 6000-عا جۋىق وقۋشىنىڭ تاسىمال مەسەلەسٸ شەشٸلدٸ. سونىمەن قاتار الداعى ۋاقىتتا EPC+F تەتٸگٸ ارقىلى نەمەسە مەملەكەتتٸك-جەكەمەنشٸك سەرٸكتەستٸك اياسىندا 10 مەكتەپتٸڭ قۇرىلىسى جوسپارلانىپ وتىر.
بٷگٸن پايدالانۋعا بەرٸلگەن مەكتەپتەر الاتاۋ قالاسى, ٸلە, قاراساي جەنە ەڭبەكشٸقازاق اۋداندارىندا ورنالاسقان. مۇندا زاماناۋي پەن كابينەتتەرٸ, فيزيكا, حيمييا جەنە بيولوگييا زەرتحانالارى, ينفورماتيكا, STEM جەنە روبوتوتەحنيكا كابينەتتەرٸ, كٸتاپحانا, وقۋ زالى, سپورت زال, اسحانا, مەديتسينالىق پۋنكت, مەجٸلٸس زالى, شىعارماشىلىق جەنە كوۆوركينگ ايماقتار قاراستىرىلعان. بۇعان قوسا, مەكتەپتەر تسيفرلىق وقىتۋ تەحنولوگييالارىمەن, جوعارى جىلدامدىقتى ينتەرنەتپەن, بەينەباقىلاۋ جەنە قاۋٸپسٸزدٸك جٷيەلەرٸمەن جابدىقتالعان. ەرەكشە قاجەتتٸلٸگٸ بار بالالار ٷشٸن دە بارلىق قولايلى جاعداي جاسالعان. بۇل وقۋشىلاردىڭ تەرەڭ بٸلٸم الۋىنا, شىعارماشىلىق جەنە زيياتكەرلٸك قابٸلەتتەرٸن دامىتۋىنا جول اشادى. ٶڭٸردە ينفراقۇرىلىمدى جاڭارتۋ جۇمىسى مۇنىمەن شەكتەلمەيدٸ. كەشەندٸ جوسپارعا سەيكەس, 2025-2027 جىلدار ارالىعىندا وبلىستاعى 91 مەكتەپكە كٷردەلٸ جٶندەۋ جٷرگٸزۋ كٶزدەلگەن.
العاشقى قوڭىراۋ كٷمبٸرٸ ٸلە اۋدانى ن. تٸلەنديەۆ اۋىلىنداعى سۋجاڭا «كەلەشەك مەكتەبٸندە» دە ەستٸلدٸ. جالپى اۋماعى 10 مىڭ شارشى مەتردەن اساتىن نىسان 900 ورىندى جەنە عيماراتتا 44 سىنىپ بار. جوبانىڭ جالپى قۇنى – 7,5 ملرد تەڭگە. بٷگٸن مۇندا 100-گە جۋىق وقۋشى مەكتەپ تابالدىرىعىن العاش رەت اتتاپ, بارلىعى 1 230 بالا قابىلداندى.
سالتاناتتى شاراعا الماتى وبلىسىنىڭ ەكٸمٸ مارات سۇلتانعازيەۆ قاتىسىپ, وقۋشىلار مەن ۇستازداردى, اتا-انالاردى بٸلٸم كٷنٸمەن قۇتتىقتادى.
«مەملەكەت باسشىسى قاسىم-جومارت توقاەۆ ٶز سٶزٸندە «بٸز قازاقستانداعى بارلىق بالالاردىڭ باقىتتى بولاشاعىن قامتاماسىز ەتۋٸمٸز كەرەك» دەپ اتاپ ٶتكەندەي, ٶسكەلەڭ ۇرپاققا ساپالى بٸلٸم بەرٸپ, ولاردىڭ جان-جاقتى دامۋىنا جاعداي جاساۋ – مەملەكەتٸمٸزدٸڭ ماڭىزدى مٸندەتتەرٸنٸڭ بٸرٸ», – دەدٸ ايماق باسشىسى.
سونىمەن قاتار بٸلٸم سالاسىن قولداۋ ماقساتىندا ٶڭٸردە اتقارىلعان اۋقىمدى جۇمىستار مەن وقۋشىلاردىڭ جەتٸستٸكتەرٸنە توقتالدى. ايتۋىنشا, ٶتكەن وقۋ جىلىندا وبلىس وقۋشىلارى جاراتىلىستانۋ-ماتەماتيكالىق باعىت بويىنشا رەسپۋبليكالىق وليمپيادادا ٷزدٸك ٷشتٸككە ەندٸ, اۋىل مەكتەپتەرٸ اراسىندا كوماندالىق ٸ ورىندى جەڭٸپ الىپ, چەمپيون اتاندى. قوس بٸردەي جاس دارىن ۇلتتىق بٸرىڭعاي تەستٸلەۋدٸڭ ەڭ جوعارى كٶرسەتكٸشٸ – 140 بالدى جيناپ, رەكورد جاسادى. سونىمەن قاتار 1 831 مەكتەپ بٸتٸرۋشٸ «التىن بەلگٸنٸ» ەنشٸلەسە, 1 675 تٷلەك «ٷزدٸك اتتەستات» الدى. 7 مىڭنان استام وقۋشى مەملەكەتتٸك بٸلٸم بەرۋ گرانتىن يەلەندٸ.
جاڭا مەكتەپتٸڭ اشىلۋ سالتاناتىندا ٶڭٸر باسشىسى ٷزدٸك ۇستازداردى مەملەكەتتٸك ناگرادالارمەن, العىس حاتتارمەن ماراپاتتادى. سونىمەن قاتار ٷلكەن ٶمٸردٸڭ بوساعاسىندا تۇرعان تٷلەكتەرمەن جٷزدەسٸپ, ولاردىڭ سىنىپ ساعاتىنا قاتىستى. وقۋشىلارمەن اتا زاڭنىڭ قاسيەتٸ, «زاڭ مەن تەرتٸپ», «تازا قازاقستان» تۇجىرىمدامالارىنىڭ مەنٸ جايلى اشىق ەڭگٸمە ٶربٸتتٸ.
اۋىل تۇرعىندارى دا جاڭا نىساننىڭ بوي كٶتەرگەنٸنە دەن ريزا. سولاردىڭ بٸرٸ – قورعاسبەك قوجاحمەتوللا.
«ن. تٸلەنديەۆ اۋىلىندا جاڭا مەكتەپ اشىلعانىنا ٶتە قۋانىشتىمىز. سول ٷشٸن مەملەكەت باسشىسىنا, وبلىس ەكٸمدٸگٸنە العىس ايتامىن. بۇل بٸلٸم ورداسىنان ەل-جۇرتىنا قىزمەت ەتەتٸن, وي-ٶرٸسٸ كەڭ ازاماتتار ٶسٸپ شىعادى دەپ سەنەمٸن. ەندٸ وسى مەكتەپتە مەنٸڭ تٶرت نەمەرەم بٸلٸم الادى. مەكتەپ كٶڭٸلٸمٸزدەن شىقتى», – دەدٸ تۇرعىن.
سۋ جاڭا نىسانعا اياق باسقان وقۋشىلاردىڭ دا قۋانىشىندا شەك جوق.
«ٶزٸم بيولوگييا پەنٸن جاقسى كٶرەمٸن ەرٸ بولاشاقتا دەرٸگەر بولعىم كەلەدٸ. بۇل ارمانىما وسى مەكتەپتە وقۋ ارقىلى بٸر تابان جاقىندايمىن دەگەن ٷمٸتتەمٸن. سەبەبٸ مۇندا ارنايى سىنىپتاردا تٷرلٸ تەجٸريبەلەر جاساپ, بٸلٸمٸمدٸ جەتٸلدٸرە الامىن. جاڭا مەكتەپ بٸزگە قاتتى ۇنادى», – دەيدٸ 11-سىنىپ وقۋشىسى كەۋسار قۋانباي.
