بۇل تۋرالى «Jetisy media» اقپاراتتىق الاڭىندا الماتى وبلىسى دەنساۋلىق ساقتاۋ باسقارماسىنىڭ باسشىسى باۋىرجان ىسقاق حابارلادى. ونىڭ ايتۋىنشا, ٸندەت جۇقتىرۋدىڭ جاڭا جاعدايلارىنىڭ تٸركەلۋٸ وسى ٶڭٸرلەردە انىقتالعان. وسىعان سەيكەس, ساقتىق شارالارى قايتادان كٷشەيتٸلٸپ وتىر.
– بٷگٸنگٸ تاڭدا الماتى وبلىسىندا كوروناۆيرۋس اۋرۋىمەن اۋىرعاندار سانى 212-گە جەتتٸ. ونىڭ ٸشٸندە 73 پاتسيەنت ستاتسيونارلىق ەمدەلۋدە. ناۋقاستارمەن 2254 ادام بايلانىستا بولعانى انىقتالدى, ولاردىڭ بارلىعى مەديتسينالىق باقىلاۋعا الىندى. ەپيدەميولوگييالىق زەرتتەۋ جٷرگٸزٸلۋدە. قازٸرگٸ ۋاقىتتا كوروناۆيرۋستىق ينفەكتسييا بويىنشا بەلسەندٸ 3 وشاعى بار. بۇل تالعار, پانفيلوۆ اۋداندارى مەن تالدىقورعان قالاسى. دەمەك, كارانتيندٸك شارالار كٷشەيتٸلەدٸ, – دەپ اتاپ ٶتتٸ باۋىرجان ىسقاق.
كٷردەلٸ ەپيدەميولوگييالىق جاعدايعا قاراماستان, الماتى وبلىسىندا كارانتيندٸ كەزەڭ-كەزەڭمەن جەڭٸلدەتۋ جالعاسۋدا. سونىمەن, 18 سەۋٸردەن باستاپ, وبلىستىڭ باس مەملەكەتتٸك سانيتارلىق دەرٸگەرٸنٸڭ جاڭا قاۋلىسىنا سەيكەس, بلوكپوستالار الىنىپ, ماڭىزدى نىسانداردىڭ ەدەۋٸر سانى جۇمىسقا كٸرٸسەدٸ.
– جوسپار بويىنشا, كوروناۆيرۋستىق ينفەكتسييادان قولايسىز اۋماقتاردى قوسپاعاندا, ايماق اۋداندارى مەن قالالارى اراسىنداعى بلوكپوستالار الىنىپ تاستالادى. قوعامدىق مونشالار, ساۋنالار, سپا, ماسساج ورتالىقتارى جۇمىس ٸستەي باستايدى. قىزمەت كٶرسەتۋ سالاسى, سىيىمدىلىعى 30 ورىندىق قوعامدىق تاماقتانۋ, سونداي-اق جازعى الاڭى بار اشىق اۋادا جۇمىس ٸستەيتٸن نىساندار, ازىق-تٷلٸك جەنە ازىق-تٷلٸك ەمەس بازارلار ساعات 10:00-دەن 17:00-گە دەيٸن جۇمىس ٸستەۋگە رۇقسات ەتٸلەدٸ, – دەدٸ وبلىستىڭ باس مەملەكەتتٸك سانيتارلىق دەرٸگەرٸنٸڭ ورىنباسارى اسحات چاراپيەۆ.
بۇدان باسقا, جاڭا قاۋلىعا سەيكەس, سانيتارلىق-دەزينفەكتسييالىق شارالار مەن ماسكالىق رەجيمدٸ قاتاڭ ساقتاي وتىرىپ, مەكتەپكە دەيٸنگٸ ۇيىمداردا كەزەكشٸ توپتار, شاعىن بٸلٸم بەرۋ ورتالىقتارى, ٷيٸرمەلەر, تەحنيكالىق قاۋٸپسٸزدٸك بويىنشا جاۋاپتى قۇتقارۋشىلاردى دايارلاۋ جەنە قايتا وقىتۋ, سونداي-اق كٷزەت جەنە باسقا دا مامانداندىرىلعان ۇيىمدار قايتادان جۇمىس ٸستەيدٸ. ستاديوندار 50 ورىنعا دەيٸن اشىلادى. قاپشاعاي قالاسىندا «بالدەۋرەن» رەسپۋبليكالىق وقۋ-ساۋىقتىرۋ ورتالىعى» رمقك جۇمىس ٸستەي باستايدى.
انار سابىروۆا, الماتى وبلىسى.
