Bul týraly «Jetisy media» aqparattyq alańynda Almaty oblysy Densaýlyq saqtaý basqarmasynyń basshysy Baýyrjan Ysqaq habarlady. Onyń aitýynsha, indet juqtyrýdyń jańa jaǵdailarynyń tirkelýi osy óńirlerde anyqtalǵan. Osyǵan sáikes, saqtyq sharalary qaitadan kúsheitilip otyr.
– Búgingi tańda Almaty oblysynda koronavirýs aýrýymen aýyrǵandar sany 212-ge jetti. Onyń ishinde 73 patsient statsionarlyq emdelýde. Naýqastarmen 2254 adam bailanysta bolǵany anyqtaldy, olardyń barlyǵy meditsinalyq baqylaýǵa alyndy. Epidemiologiialyq zertteý júrgizilýde. Qazirgi ýaqytta koronavirýstyq infektsiia boiynsha belsendi 3 oshaǵy bar. Bul Talǵar, Panfilov aýdandary men Taldyqorǵan qalasy. Demek, karantindik sharalar kúsheitiledi, – dep atap ótti Baýyrjan Ysqaq.
Kúrdeli epidemiologiialyq jaǵdaiǵa qaramastan, Almaty oblysynda karantindi kezeń-kezeńmen jeńildetý jalǵasýda. Sonymen, 18 sáýirden bastap, oblystyń bas memlekettik sanitarlyq dárigeriniń jańa qaýlysyna sáikes, blokpostalar alynyp, mańyzdy nysandardyń edáýir sany jumysqa kirisedi.
– Jospar boiynsha, koronavirýstyq infektsiiadan qolaisyz aýmaqtardy qospaǵanda, aimaq aýdandary men qalalary arasyndaǵy blokpostalar alynyp tastalady. Qoǵamdyq monshalar, saýnalar, SPA, massaj ortalyqtary jumys istei bastaidy. Qyzmet kórsetý salasy, syiymdylyǵy 30 oryndyq qoǵamdyq tamaqtaný, sondai-aq jazǵy alańy bar ashyq aýada jumys isteitin nysandar, azyq-túlik jáne azyq-túlik emes bazarlar saǵat 10:00-den 17:00-ge deiin jumys isteýge ruqsat etiledi, – dedi oblystyń bas memlekettik sanitarlyq dárigeriniń orynbasary Ashat Charapiev.
Budan basqa, jańa qaýlyǵa sáikes, sanitarlyq-dezinfektsiialyq sharalar men maskalyq rejimdi qatań saqtai otyryp, mektepke deiingi uiymdarda kezekshi toptar, shaǵyn bilim berý ortalyqtary, úiirmeler, tehnikalyq qaýipsizdik boiynsha jaýapty qutqarýshylardy daiarlaý jáne qaita oqytý, sondai-aq kúzet jáne basqa da mamandandyrylǵan uiymdar qaitadan jumys isteidi. Stadiondar 50 orynǵa deiin ashylady. Qapshaǵai qalasynda «Baldáýren» respýblikalyq oqý-saýyqtyrý ortalyǵy» RMQK jumys istei bastaidy.
Anar Sabyrova, Almaty oblysy.
