وقىس وقيعادان كٶز جۇمعان ٷش ادامنىڭ دەنەسٸ مەيٸتحاناعا جٸبەرٸلدٸ. بۇل اقپاراتتى الماتى وبلىستىق پوليتسييا دەپارتامەنتٸ راستادى, دەپ حابارلايدى Dalanews.kz.
اتالعان جاعدايعا بايلانىستى جۋرناليست دياس نۇراقىن ەلەمجەلٸدە جازبا جارييالادى.
“كەگەن اۋدانىندا ٷش ادام اشىق جاتقان قۇدىققا قۇلاپ كٶز جۇمدى. اراسىندا 15 جاستاعى بالا دا بار ەكەن. بۇل وقىس وقيعاعا سۋعا جاۋاپتىلار تٸكەلەي كٸنەلٸ. “كەگەنسۋ” مەكەمەسٸنٸڭ بىلىعىن الداعى ۋاقىتتا بٶلەك جازامىن. تەك اقشا جيناۋدى بٸلەدٸ ولار. بەيبٸت كٷندە باقيلىق بولعانداردىڭ وتباسىنا سابىر بەرسٸن” - دەپ جازادى ول.
ال Qaz365.kz تٸلشٸسٸ جەرگٸلٸكتٸ جۋرناليست ماقپال شادانمەن سٶيلەسكەن. ول وقيعانىڭ قالاي بولعانىن بايانداپ بەردٸ.
“شامامەن ٷش ساعات بۇرىن “كەگەن سۋ قۇبىرى” مەكەمەسٸنە قاراستى اۋرۋحانانىڭ ماڭىنداعى كٶشەدەگٸ قۇدىقتاردىڭ بٸرٸنە كەگەن اۋىلىنىڭ بٸر تۇرعىنى 15 جاستاعى بالاسىمەن تٷسٸپ كەتكەن. بۇل جەردە مەسەلە بىلاي بولىپ تۇر: اۋرۋحانا ماڭىنداعى كٶشەدە بٸراز جىل بۇرىن جول جاسالعان. سول جول جاسالعان كەزدە ەش جەردە قۇدىققا قاتىستى تالاپتار ساقتالماعان. سەبەبٸ ٸشٸنەن اسفالت تٶسەلگەن كەزدە ول اسفالت جەردٸڭ بەتٸنە جەتكٸزٸلٸپ, كٶتەرٸلۋٸ كەرەك بولعان. ونداي ەشتەڭە جٷرگٸزٸلمەي, بەتٸنە اسفالتمەن تٶسەپ كەتكەن. سۋمەن جيٸ پروبلەما بولادى. سوندىقتان, تۇرعىندار قۇدىقتى اشىپ, اسفالتتى ويىپ, اشىپ قويعان”, - دەيدٸ ول.
جۋرناليستٸڭ ايتۋىنشا, ەكٸ-جىل بويى سول قۇدىققا ەشكٸم قاراماعان. اپاتتىق جاعداي بولماسىن دەپ, پاكرىشكا تاستاپ كەتكەن. بٸر جارىم اي بۇرىن كەگەندە جەراستى كانال سالىندى. سالىنعان كەزدە قۇدىقتىڭ بەتٸن بەكٸتٸپ كەتكەن. ٷيدە سۋ بولماي قالعان كەزدە ەكٸ تۇرعىن قۇدىقتىڭ بەتٸن قازىپ اشقان كەزدە تٷسٸپ كەتكەن.
“قايتىس بولعان بٸر ادام 1966 جىلعى سەرٸك دەگەن ازامات. ەكٸنشٸسٸ 1981 جىلعى سەرٸكباي ايتباەۆ. ودان كەيٸن جۇمابەك ماقسات سەرٸكبايۇلى – 9 سىنىپ وقۋشىسى. قۇدىقتىڭ تەرەڭدٸگٸ 1,5 مەتر عانا. ٷشەۋٸ دە ۋلانىپ قايتىس بولعان”, - دەدٸ ماقپال شادان.
پوليتسييا اتالعان دەرەكتٸ راستادى.
“بۇل دەرەك كەگەن اۋدانىنىڭ پوليتسيياسىندا تٸركەلدٸ. قايتىس بولعان ادامداردىڭ دەنەلەرٸ مەيٸتحاناعا جٸبەرٸلدٸ, سوت-مەديتسينالىق ساراپتاما تاعايىندالدى”, - دەپ حابارلادى وبلىستىق پد باسپاسٶز قىزمەتٸ.
