بۇل تۋرالى ەلدەگٸ 29 قازاق-تٷرٸك ليتسەيٸ, «نۇر وردا» جەكە مەنشٸك قازاق-تٷرٸك مەكتەبٸ مەن ەكٸ كوللەدج, الماتىداعى سٷلەيمەن دەميرەل اتىنداعى ۋنيۆەرسيتەتكە دەمەۋشٸلٸك ەرٸ باسشىلىق ەتٸپ وتىرعان KATEV قورىنىڭ تەربيە ٸسٸ جٶنٸندەگٸ ۆيتسە-پرەزيدەنتٸ نۇربول تٶلەباەۆ ازاتتىققا بەرگەن سۇقباتىندا ايتقان.
- فەتحۋللا گٷلەنمەن ەشقانداي, قارجىلىق تا بايلانىسىمىز جوق. بٸراق ينتەرنەت ارقىلى فەتحۋللا گٷلەندٸ بەرٸ بٸلەدٸ عوي. فيلوسوف رەتٸندە, وسى دٷنيەجٷزٸندە اشىلىپ جاتقان مەكتەپتەردٸڭ كەزٸندە بٸر جاقسى پٸكٸرلەرٸ بولعان شىعار. بٸراق قازاقستانداعى مەكتەپتەر قازاقستان پرەزيدەنتٸ نۇرسۇلتان نازارباەۆ پەن تٷركييانىڭ بۇرىنعى پرەزيدەنتٸ تۇرعۇت ٶزالدىڭ كەلٸسٸم-شارتى بويىنشا اشىلعان مەكتەپتەر. مۇنى فەتحۋللا گٷلەن نەمەسە سٷلەيمەن دەميرەل, يا رەجەپ ەردوعان كەلٸپ اشقان جوق. گٷلەننٸڭ كٸتاپتارى مەن ٸلٸمدەرٸن دە وقىتپايمىز, - دەيدٸ نۇربول تٶلەباەۆ.
تٷركييادا بولماي قالعان مەملەكەتتٸك تٶڭكەرٸس ەرەكەتٸنە انكارا اقش-تا تۇراتىن تەولوگ فەتحۋللا گٷلەندٸ ايىپتاعان.
كٶپ ۇزاماي تٷركييا بيلٸگٸ ورتالىق ازييا ەلدەرٸ بيلٸكتەرٸنەن «گٷلەنشٸل» دەيتٸن وقۋ ورىندارىنا دەگەن «كٶزقاراسىن ٶزگەرۋدٸ تالاپ ەتٸپ», «گٷلەنشٸلەردٸڭ تٶڭكەرٸس جاساۋ پيعىلى بارىن" ەسكەرتكەنٸ تۋرالى مەلٸمدەي باستاعان. سوڭعى جىلدارى كەي ەلدەردە تٷرٸك وقۋ ورىندارى جابىلا باستاعان.
انكارانىڭ فەتحۋللا گٷلەنگە قاتىستى تالابىن قىرعىزستان سىرتقى ٸستەر مينيسترلٸگٸ «مەملەكەتتٸمٸزدٸڭ ٸشكٸ ٸسٸنە ارالاسۋ» دەپ بٸلەتٸنٸن مەلٸمدەگەن.
