Bul týraly eldegi 29 qazaq-túrik litseii, «Nur Orda» jeke menshik qazaq-túrik mektebi men eki kolledj, Almatydaǵy Súleimen Demirel atyndaǵy ýniversitetke demeýshilik ári basshylyq etip otyrǵan KATEV qorynyń tárbie isi jónindegi vitse-prezidenti Nurbol Tólebaev Azattyqqa bergen suqbatynda aitqan.
- Fethýlla Gúlenmen eshqandai, qarjylyq ta bailanysymyz joq. Biraq internet arqyly Fethýlla Gúlendi bári biledi ǵoi. Filosof retinde, osy dúniejúzinde ashylyp jatqan mektepterdiń kezinde bir jaqsy pikirleri bolǵan shyǵar. Biraq Qazaqstandaǵy mektepter Qazaqstan prezidenti Nursultan Nazarbaev pen Túrkiianyń burynǵy prezidenti Turǵut Ózaldyń kelisim-sharty boiynsha ashylǵan mektepter. Muny Fethýlla Gúlen nemese Súleimen Demirel, ia Rejep Erdoǵan kelip ashqan joq. Gúlenniń kitaptary men ilimderin de oqytpaimyz, - deidi Nurbol Tólebaev.
Túrkiiada bolmai qalǵan memlekettik tóńkeris áreketine Ankara AQSh-ta turatyn teolog Fethýlla Gúlendi aiyptaǵan.
Kóp uzamai Túrkiia biligi Ortalyq Aziia elderi bilikterinen «gúlenshil» deitin oqý oryndaryna degen «kózqarasyn ózgerýdi talap etip», «gúlenshilerdiń tóńkeris jasaý piǵyly baryn" eskertkeni týraly málimdei bastaǵan. Sońǵy jyldary kei elderde túrik oqý oryndary jabyla bastaǵan.
Ankaranyń Fethýlla Gúlenge qatysty talabyn Qyrǵyzstan syrtqy ister ministrligi «memlekettimizdiń ishki isine aralasý» dep biletinin málimdegen.
