2026 جىلعى 3 قىركٷيەكتە الماتى قالاسىندا حالىقارالىق قاتىسۋمەن ٶتكەن IX رەسپۋبليكالىق ارتەرييالىق گيپەرتونييا جەنە كارديوۆاسكۋليارلىق پروفيلاكتيكا بويىنشا كونگرەسس — CARDIO formQZ «جاڭا باعدارلار. تەكسەرٸلگەن مارشرۋتتار. كلينيكالىق شەشٸمدەر» اتتى ٸس-شارانىڭ اشىلۋى ٶتتٸ. كونگرەسس كارديولوگييا جەنە مەديتسينالىق-سانيتارييالىق العاشقى كٶمەك سالاسىنداعى جەتەكشٸ مامانداردىڭ باسىن قوستى, دەپ حابارلايدى dalanews.kz.
كونگرەستٸ «كارديولوگييا جەنە ٸشكٸ اۋرۋلار عىلىمي-زەرتتەۋ ينستيتۋتى» اق باسقارما تٶراعاسى رۋستەم مۇحتارۇلى تٶلەۋتاەۆ اشتى. ٶز سٶزٸندە ول جٷرەك-قان تامىرلارى اۋرۋلارىنىڭ الدىن الۋدىڭ, قاۋٸپ فاكتورلارىن ەرتە انىقتاۋدىڭ جەنە باستاپقى بۋىن مەن مامانداندىرىلعان كارديولوگييالىق قىزمەت اراسىنداعى ساباقتاستىقتى كٷشەيتۋدٸڭ ەرەكشە ماڭىزدىلىعىن اتاپ ٶتتٸ. قازاقستاننىڭ بارلىق ٶڭٸرلەرٸندە پاتسيەنتتەردٸڭ پروفيلاكتيكاسى مەن ولاردى جٷرگٸزۋدٸڭ بٸرىڭعاي تەسٸلدەرٸن قۇرۋ قاجەتتٸگٸنە باسا نازار اۋدارىلدى.
كونگرەسس تاريحىندا العاش رەت وسىنداي ماڭىزدى ەرٸ اۋقىمدى ٸس-شاراعا پولشا, گدانسك قالاسى پولشا عىلىم اكادەميياسىنىڭ (PAU) مٷشەسٸ, ەۋروپالىق گيپەرتونييا قوعامىنىڭ (ESH) پرەزيدەنتٸ, مەديتسينا دوكتورى (MD), پروفەسسور اندجەي يانۋشەۆيچ (Andrzej Januszewicz) قاتىستى. ٶز بايانداماسىندا پروفەسسور ارتەرييالىق گيپەرتونييانى باسقارۋ جەنە ونىڭ پروفيلاكتيكاسى باعىتىنداعى قازاقستاننىڭ رٶلٸنە, سونداي-اق قول جەتكٸزٸلگەن نەگٸزگٸ كٶرسەتكٸشتەرگە توقتالدى.
كونگرەسس سپيكەرلەرٸ قاتارىندا قوعام تٶراعاسى گ.ل. دجۋنۋسبەكوۆا, ونىڭ ورىنباسارى م.ك. تۋندىباەۆا, كارديولوگييا جەنە ٸشكٸ اۋرۋلار عىلىمي-زەرتتەۋ ينستيتۋتى باسقارما تٶراعاسىنىڭ ورىنباسارلارى د.ا. قايبۋللاەۆا, گ.ا. توعىزباەۆ, سونداي-اق ارتەرييالىق گيپەرتونييا سالاسىنداعى جەتەكشٸ ماماندار سٶز سٶيلەدٸ.
كٷننٸڭ ەكٸنشٸ جارتىسىندا شتاتتان تىس باس كارديولوگتار مەن مەديتسينالىق-سانيتارييالىق العاشقى كٶمەك (مساك) كٶرسەتۋ سالاسىنىڭ باس ماماندارىنىڭ كەڭەسٸ ٶتتٸ. كەڭەس مودەراتورى رۋستەم تۋلەۋتاەۆ بولدى.
كەڭەس بارىسىندا ٶڭٸرلەرمەن ٶزارا ٸس-قيمىل, كارديولوگييا جەنە ٸشكٸ اۋرۋلار عىلىمي-زەرتتەۋ ينستيتۋتى تاراپىنان ٶڭٸرلٸك دەنساۋلىق ساقتاۋ باسقارمالارى مەن مەديتسينالىق ۇيىمدارعا ۇيىمداستىرۋشىلىق-ەدٸستەمەلٸك كٶمەك كٶرسەتۋ, مساك دەڭگەيٸندە كارديوۆاسكۋليارلىق پروفيلاكتيكانى جەتٸلدٸرۋ, جٷرەك-قانتامىر قاۋپٸ جوعارى پاتسيەنتتەردٸ ەرتە انىقتاۋ, پاتسيەنتتەردٸ مەديتسينالىق كٶمەك كٶرسەتۋ دەڭگەيلەرٸ بويىنشا دۇرىس باعىتتاۋ جەنە مەديتسينالىق كٶمەكتٸڭ ساباقتاستىعىن قامتاماسىز ەتۋ مەسەلەلەرٸ تالقىلاندى.
قازاقستان رەسپۋبليكاسىندا قاناينالىم جٷيەسٸ اۋرۋلارى كەزٸندە مەديتسينالىق كٶمەك كٶرسەتۋدٸ جەتٸلدٸرۋ جٶنٸندەگٸ قر دەنساۋلىق ساقتاۋ مينيسترلٸگٸنٸڭ 2027–2030 جىلدارعا ارنالعان جول كارتاسىن ٸسكە اسىرۋ اياسىندا قازاقستان ٶڭٸرلەرٸمەن ۇيىمداستىرىلعان اشىق كەسٸبي ديالوگ بارىسىندا ٶزەكتٸ مەسەلەلەر ايقىندالىپ, جٷرەك-قانتامىر اۋرۋلارىنىڭ پروفيلاكتيكاسىنىڭ تيٸمدٸلٸگٸن ارتتىرۋعا جەنە قازاقستان حالقىنا كٶرسەتٸلەتٸن كارديولوگييالىق كٶمەكتٸڭ ساپاسىن جاقسارتۋعا باعىتتالعان ودان ەرٸ بٸرلەسكەن جۇمىستىڭ نەگٸزگٸ باعىتتارى بەلگٸلەندٸ.
