اقتاۋدان ەسكەر قاتارىنا شاقىرىلعان 18 جاستاعى ەركەبۇلان دوسىمبەت قازٸر اقتٶبەدەگٸ اۋرۋحانادا ەم قابىلداپ جاتىر. ساربازدىڭ اناسى گٷلدانا ەرمانقىزى Dalanews.kz رەداكتسيياسىنا بەرگەن سۇحباتىندا ۇلىنىڭ ەسكەري بٶلٸمدە قىسىم كٶرگەنٸن مەلٸمدەپ, ونى ۇرىپ-سوقتى دەگەن ٷش سەرجانتتى جاۋاپقا تارتۋدى تالاپ ەتتٸ. قازٸرگٸ ۋاقىتتا اتالعان دەرەككە بايلانىستى تەرگەۋ امالدارى جٷرگٸزٸلٸپ جاتىر.
گٷلدانا ەرمانقىزى - اقتاۋ قالاسىنىڭ تۇرعىنى, تٶرت بالانىڭ اناسى. ەركەبۇلان - ەكٸ قىزدان كەيٸنگٸ ٷشٸنشٸ پەرزەنتٸ ەرٸ ۇلدارىنىڭ ٷلكەنٸ.
ونىڭ ايتۋىنشا, 2007 جىلى تۋعان ەركەبۇلان 2026 جىلعى 3 ماۋسىمدا كٶكتەمگٸ شاقىرىلىممەن ەسكەر قاتارىنا الىنعان. جاس جٸگٸت وتان الدىنداعى بورىشىن ٶتەۋگە ەشكٸمنٸڭ مەجبٷرلەۋٸنسٸز, ٶز ەركٸمەن اتتانعان.
“بالام ەسكەرگە ٶزٸ بارعىسى كەلدٸ. “باسقا جٸگٸتتەر دە بارىپ جاتىر, مەن دە وتانىمدى قورعايمىن” دەپ, مەديتسينالىق تەكسەرۋدەن ٶز ەركٸمەن ٶتتٸ. اقتٶبەگە كەتۋٸنە ەكٸ ساعات قالعاندا عانا ماعان حابارلادى. ەسكەرگە ٷلكەن ىقىلاسپەن اتتانعان ەدٸ”, - دەيدٸ ساربازدىڭ اناسى.
اناسىنىڭ سٶزٸنشە, ەركەبۇلان ەسكەري قىزمەتشٸ بولۋدى ارمانداعان. ول ەسكەري دايىندىق كەزٸندە دە جاقسى نەتيجە كٶرسەتٸپ, كومانديرلەرٸنەن ماقتاۋ ەستٸگەن.
“نۇربول ەسٸمدٸ كومانديرٸ ەركەبۇلاننىڭ نىسانا كٶزدەۋدەن بٸرٸنشٸ ورىن العانىن ايتىپ, گراموتاسىن كٶرسەتتٸ. ەكەسٸنە “بالاڭىزدى جاقسى تەربيەلەپسٸز” دەپ ماقتاعان ەدٸ. وسىنداي تالاپتى بالانىڭ نە ٷشٸن مۇنداي جاعدايعا تاپ بولعانىن تٷسٸنبەيمٸن”, – دەدٸ ول.
اناسى ۇلىنىڭ بٸرنەشە رەت سوققىعا جىعىلعانىن مەلٸمدەدٸ
گٷلدانا كەتەباەۆانىڭ ايتۋىنشا, ۇلى ەسكەري بٶلٸمدەگٸ ٷش سەرجانتتىڭ ٶزٸن بٸرنەشە رەت ۇرىپ-سوققانىن ايتقان. ونىڭ سٶزٸنشە, مۇنداي ەرەكەتتەر بەينەباقىلاۋ كامەرالارى جوق جەرلەردە بولعان.
“بالامنان “ولار ساعان نە ٷشٸن تيٸستٸ, سەن نە ٸستەدٸڭ?” دەپ سۇرادىم. ول ەشقانداي تەرتٸپ بۇزباعانىن ايتتى. “كامەرا جوق جەردە كەلٸپ, تەۋٸپ, ۇرىپ كەتەدٸ” دەيدٸ. جٸگٸتتەردٸ ەتپەتٸنەن جاتقىزىپ قويىپ, ٷستٸنەن جٷگٸرٸپ ٶتەتٸندەرٸن دە ايتتى. باسىن كٶتەرگەن ادامدى تەبەدٸ ەكەن”, – دەدٸ اناسى.
ونىڭ مەلٸمدەۋٸنشە, ەركەبۇلان شاپ تۇسىنان سوققى العاننان كەيٸن ٶزدٸگٸنەن كٸشٸ دەرەتكە شىعا الماي قالعان.
“الدىمەن سول جاعىنان قولىمەن ۇرعان, كەيٸن سەرجانت تٸزەسٸمەن شاپ تۇسىنان سوققى جاساعان. سودان كەيٸن بالام زەر شىعارا الماي قالعان. باسقا ساربازداردىڭ شاپ تۇسىنان سوققى العان-الماعانىن بٸلمەيمٸن. ال بالالاردى جاتقىزىپ, ٷستٸنەن جٷگٸرٸپ ٶتەتٸن جاعدايدىڭ بەرٸنە ورتاق بولعانىن ايتتى”, – دەيدٸ گٷلدانا ەرمانقىزى.
بالامدى كٶرگەندە شوشىپ كەتتٸم
ساربازدىڭ اناسى اقتٶبەگە كەلگەن كەزدە ۇلىنىڭ جاعدايى اۋىر بولعانىن ايتادى. ونىڭ سٶزٸنشە, ەركەبۇلان قاتتى جٷدەپ, كٶزٸ شٷڭٸرەيٸپ, كاتەتەرمەن جاتقان.
“بالامدى العاش كٶرگەندە شوشىپ كەتتٸم. شاشى ٶسٸپ كەتكەن, ٶزٸ قاتتى ازىپ, كٶزٸ ٸشٸنە كٸرٸپ كەتكەن. ٶزدٸگٸنەن دەرەتكە شىعا الماي, كاتەتەرمەن جاتتى. ەسكەرگە جٸگەرمەن كەتكەن بالانىڭ كٶڭٸل كٷيٸ مٷلدە ٶزگەرگەن. قازٸر “اناشىم, مەنٸ الىپ كەتشٸ, ەسكەري قىزمەتتٸ جالعاستىرعىم كەلمەيدٸ” دەيدٸ”, – دەدٸ ول.
قازٸرگٸ ۋاقىتتا ەركەبۇلان اۋرۋحانادا ەم قابىلداپ جاتىر. اناسىنىڭ ايتۋىنشا, كاتەتەر الىنىپ, سارباز ٶزدٸگٸنەن جٷرٸپ-تۇرا باستاعان. الايدا ەلٸ دە اۋىرسىنۋ بەلگٸلەرٸ بار.
“قۇدايعا شٷكٸر, قازٸر ٶز اياعىمەن جٷر. كاتەتەردٸ الىپ تاستادى, ٶزدٸگٸنەن دەرەتكە شىعىپ جاتىر. بٸراق سوققى العان جەرلەرٸ ەلٸ اۋىرادى. ەم-دومىن جالعاستىرىپ جاتىر. ەكەسٸ ەكەۋمٸز قاسىندامىز”, – دەيدٸ اناسى.
ساربازدىڭ كٶرۋ قابٸلەتٸ ناشارلاعان
گٷلدانا ەرمانقىزى ۇلىنىڭ كٶرۋ قابٸلەتٸنە دە الاڭدايتىنىن جەتكٸزدٸ. ونىڭ ايتۋىنشا, ەركەبۇلاننىڭ بالا كەزٸنەن استيگماتيزمٸ بولعان جەنە كٶرۋ كٶرسەتكٸشٸ 4 شاماسىندا بولعان.
الايدا كەيٸنگٸ تەكسەرۋ كەزٸندە سارباز بۇرىن قولدانعان كٶرسەتكٸشپەن دە انىق كٶرە الماعان.
“بالام سەرجانتتاردىڭ باسىنان ۇرعانىن ايتتى. ەكەسٸ ەكەۋمٸز كٶزٸن تەكسەرتۋگە اپاردىق. بۇرىن –4 كٶرسەتكٸشٸمەن كٶرەتٸن, ال قازٸر سول لينزامەن دە انىق كٶرە المادى. كٶرۋ قابٸلەتٸ تٶمەندەگەن بولۋى مٷمكٸن. سوندىقتان ونى تاعى بٸر اقىلى تەكسەرۋدەن ٶتكٸزۋدٸ جوسپارلاپ وتىرمىز”, – دەدٸ ول.
اناسى سونداي-اق كٶرۋ قابٸلەتٸ ناشار بولعان ۇلىنىڭ ەسكەري مەديتسينالىق تەكسەرۋدەن قالاي ٶتكەنٸ دە سۇراق تۋدىراتىنىن ايتتى.
بٸزدەن ەشكٸم كەشٸرٸم سۇراعان جوق
ساربازدىڭ اناسىنىڭ ايتۋىنشا, وسى ۋاقىتقا دەيٸن ۇلىن ۇردى دەگەن سەرجانتتار دا, ولاردىڭ جاقىندارى دا وتباسىمەن بايلانىسقا شىقپاعان.
“مەن دە, بالانىڭ ەكەسٸ دە ۇلىمدى ۇردى دەگەن سەرجانتتاردى كٶرگەن جوقپىز. بٸزدەن ەشكٸم كەشٸرٸم سۇرامادى. ەسكەري بٶلٸم باسشىلىعى تاراپىنان دا بولعان جاعدايعا بايلانىستى كەشٸرٸم ايتىلعان جوق”, – دەدٸ گٷلدانا كەتەباەۆا.
ول باتىس ٶڭٸرلٸك قولباسشىلىعى ٶكٸلدەرٸنٸڭ بٸرٸمەن سٶيلەسكەن كەزدە ٶزٸنە دٶرەكٸ جاۋاپ بەرٸلگەنٸن دە مەلٸمدەدٸ.
“بٸز 5 ماۋسىمدا كەلگەندە ەشكٸم كەشٸرٸم سۇرامادى. كەرٸسٸنشە, باسشىلىق ٶكٸلدەرٸنٸڭ بٸرٸ “بالاڭدى اۋرۋحاناعا جٸبەرگەنٸمە راقمەت ايت” دەدٸ. تاعى بٸرٸ بالاما قاتىستى ٶزدەرٸندە “كومپرومات بارىن” ايتتى. ەسكەري بٶلٸم باسشىلارى ماعان اۋىر سٶزدەر ايتتى”, – دەيدٸ ول.
رەداكتسييا ەزٸرگە اتالعان مەلٸمدەمەلەرگە قاتىستى ەسكەري بٶلٸم مەن باتىس ٶڭٸرلٸك قولباسشىلىعىنىڭ رەسمي تٷسٸنٸكتەمەسٸن العان جوق.
اتا-اناسى اۋرۋحانا ماڭىنداعى كٶلٸكتە تٷنەپ جٷر
گٷلدانا كەتەباەۆانىڭ ايتۋىنشا, ەسكەري بٶلٸم باستاپقىدا اتا-اناعا بٸرنەشە كٷنگە پەتەر جالداپ بەرگەن. الايدا وتباسى ارىز تٷسٸرگەننەن كەيٸن باسپانا كەرٸ الىنعان.
“ەسكەري بٶلٸم بٸزگە بٸر-ەكٸ كٷنگە پەتەر جالداپ بەرگەن ەدٸ. ارىز جازىلعاننان كەيٸن ونى قايتارىپ الدى. بٸز ول جەرگە بٸر رەت قانا بارىپ, جۋىنىپ, بٸرنەشە ساعات دەمالدىق. قازٸر ەكەسٸ ەكەۋمٸز اۋرۋحانانىڭ جانىندا, كٶلٸكتە كٷندٸز-تٷنٸ بالامىزدى كٷتٸپ جٷرمٸز”, – دەدٸ ساربازدىڭ اناسى.
ٷش سەرجانتتىڭ جاۋاپقا تارتىلۋىن تالاپ ەتتٸ
ساربازدىڭ اتا-اناسى قۇقىق قورعاۋ ورگاندارىنا ارىز تٷسٸرگەن. قازٸر تەرگەۋ امالدارى جٷرٸپ جاتىر. وسىعان بايلانىستى وتباسى ٸس ماتەريالدارىنىڭ بارلىق جاي-جاپسارىن جارييالاي المايتىنىن ايتتى.
“تەرگەۋشٸلەر مەن پروكۋرورلار تەرگەۋ جٷرٸپ جاتقان كەزدە كەيبٸر مەلٸمەتتەردٸ ايتۋعا بولمايتىنىن ەسكەرتتٸ. سوندىقتان ٸستٸڭ ٸشكٸ دەرەكتەرٸن جارييالاي المايمىز. بٸراق ارىز جازدىق جەنە بۇل ٸستٸ سوتقا دەيٸن جەتكٸزەمٸز”, – دەدٸ گٷلدانا ەرمانقىزى.
ول ۇلىن ۇرىپ-سوقتى دەگەن ٷش سەرجانتتىڭ زاڭ الدىندا جاۋاپ بەرۋٸن جەنە ٸستٸڭ اشىق قارالۋىن تالاپ ەتٸپ وتىر.
“مەنٸڭ تالابىم – بالاما ازاپ كٶرسەتتٸ دەگەن ٷش سەرجانت جاۋاپقا تارتىلسىن. سوت اشىق ەرٸ جارييا ٶتۋٸ كەرەك. بولاشاقتا ساربازدارعا كٷش كٶرسەتكٸسٸ كەلەتٸن ادامدار مۇنداي ەرەكەتتٸڭ سوڭى جاۋاپكەرشٸلٸككە ەكەلەتٸنٸن بٸلسٸن. بالالارمەن جۇمىس ٸستەيتٸن ەسكەري قىزمەتشٸلەردٸڭ بٸلٸمٸ مەن بٸلٸكتٸلٸگٸنە دە باسا مەن بەرٸلۋٸ قاجەت”, – دەدٸ ساربازدىڭ اناسى.
قازٸرگٸ ۋاقىتتا ەركەبۇلان دوسىمبەت اقتٶبەدەگٸ اۋرۋحانادا ەم قابىلداپ جاتىر. وقيعاعا قاتىستى تەرگەۋ جالعاسۋدا. ساربازدىڭ دەنساۋلىعىنا كەلتٸرٸلگەن زارداپتىڭ سيپاتى مەن وقيعانىڭ ٶزگە دە مەن-جايىنا تەرگەۋ قورىتىندىسى بويىنشا قۇقىقتىق باعا بەرٸلۋگە تيٸس.
