بٸر اي بۇرىن تالدىقورعانداعى پوليتسييا بٶلٸمٸنٸڭ باستىعىنا قاتىستى سوت ٷكٸمٸ شىققان بولاتىن. مارات كٷشتٸباەۆ كابينەتٸندە قىز زورلاعانى ٷشٸن 11 جىلعا باس بوستاندىعىنان ايىرىلدى. Orda.kz مەلٸمەتٸنشە, كٷشتٸباەۆ ەيەلٸ ارقىلى جەبٸرلەنۋشٸگە 40 ميلليون بەرمەك بولعان. قازٸرگٸ تاڭدا وسى دەرەك بويىنشا سۋديانىڭ حاتشىسىنا قاتىستى تەرگەۋ باستالعان, - دەپ حابارلايدى Dalanews.kz.
اتىشۋلى ٸس بىلتىر قاراشادا بولعان ەدٸ. جوعارى شەندٸ شەنەۋنٸك قىزدى قىزمەتتٸك كابينەتٸندە زورلاعان. جەبٸرلەنۋشٸ – تالدىقورعاننىڭ 27 جاستاعى تۇرعىنى. ول پوليتسييا بٶلٸمٸنە تٷنگٸ ۋاقىتتا تىنىشتىقتى بۇزعانى ٷشٸن ەكەلٸنگەن بولاتىن. پوليتسييا باستىعى جەبٸرلەنۋشٸنٸ كابينەتٸنە شاقىرىپ, ارتىنشا ينتيم بايلانىسقا تٷسۋدٸ ۇسىنىپ, ٸستٸ جاۋىپ بەرەتٸنٸن ايتقان. 27 جاستاعى قىز باس تارتقانىمەن كٷشتٸباەۆ مۇنىمەن توقتاپ قالماعان.
سوت ٷكٸمٸ شىعاردان ەكٸ اپتا بۇرىن كٷشتٸباەۆتىڭ ەيەلٸ تالدىقورعانداعى قالالىق سوتتاعى حاتشى ارقىلى كەلٸسٸمگە كەلمەك بولعان بولىپ شىقتى. ولار جەبٸرلەنۋشٸ ايعاقتارىنان باس تارتسا, 40 ميلليون تەڭگە بەرەمٸز دەپ ۋەدە ەتكەن.
قۇقىق قورعاۋ ورگاندارىنداعى دەرەككٶزدەر ادۆوكات پەن كٷشتٸباەۆتىڭ ەيەلٸ سوت قىزمەتكەرٸمەن بۇل ٸس سوتقا تٷسكەنگە دەيٸن بايلانىستا بولعانىن ايتادى. ەرلٸ-زايىپتى جەبٸرلەنۋشٸ قىزدى كٶرسەتكەن ايعاقتارىنان باس تارتۋعا كٶندٸرمەك بولعان. ەگەر جەبٸرلەنۋشٸ كەلٸسكەن جاعدايدا ەكس-پوليتسييا باستىعى ايىپپۇلمەن نەمەسە جارتى جىل باس بوستاندىعى شەكتەلۋ جازاسىمەن قۇتىلىپ كەتەر ەدٸ.
جەبٸرلەنۋشٸ قىز ايعاعىن ٶزگەرتۋگە كەلٸسكەندەي بولادى. ول قوماقتى سومانى 17 سەۋٸردە الادى. تٸپتٸ وعان سوتتا نە دەپ ايتۋ كەرەگٸ دە تٷسٸندٸرٸلگەن. الايدا سوتتا جەبٸرلەنۋشٸ قىز ايعاقتارىن ٶزگەرتپەي, زورلانعانىن ايتادى. اقشانى قايتاراتىنىن ايتىپ, ارتىنشا جوعالىپ كەتكەن.
كەيٸننەن كٷشتٸباەۆتىڭ ەيەلٸ جەبٸرلەنۋشٸ قىزدىڭ جٸگٸتٸنە ميلليون تەڭگە بەرٸپ, كەزدەسۋ ۇيىمداستىرۋىن سۇراعان. الايدا ونىڭ بۇل ٸسٸ دە ورىندالماي قالعان.
سوت ٷكٸمٸ شىققاننان كەيٸن كٷشتٸباەۆتىڭ تۋىستارى سۋديانىڭ حاتشىسىنان 40 ميلليون تەڭگەنٸ قايتارۋىن تالاپ ەتەدٸ. ول اقشانى قايتارا الماي, كٷشتٸباەۆتىڭ ەيەلٸ پوليتسيياعا ارىز جازعان. ەندٸ تالدىقورعانداعى قالالىق سوتتىڭ سۋدياسىنا قاتىستى تەرگەۋ باستالدى.
