القالى جيىندى اشقان ءال-فارابي اتىنداعى قازۇۋ-دىڭ باسقارما ءتوراعاسى – رەكتورى جانسەيىت تۇيمەبايەۆ قازاق جۋرناليستيكاسىنىڭ باي تاريحىنا توقتالدى. ءحىح عاسىردىڭ سوڭىندا پايدا بولعان ول داۋىرمەن بىرگە ءوسىپ جەتىلدى. ءاليحان بوكەيحانوۆ، ءمىرجاقىپ دۋلاتوۆ، عاني مۇراتبايەۆ، ءىلياس جانسۇگىروۆ، احمەت بايتۇرسىنوۆ سىندى قازاق جۋرناليستيكاسىنىڭ مايتالماندارى مەن ماقتانىشتارىن، كورنەكتى رەداكتورلار مەن جۋرناليستەردى ەسكە الدى.
فورۋم اياسىندا ق ر پارلامەنتى سەناتىنىڭ دەپۋتاتى نۇرتورە ءجۇسىپ پەن ق ر پارلامەنتى ءماجىلىسىنىڭ دەپۋتاتى ساۋىتبەك ءابدىراحمانوۆ بايانداما جاساپ، جۋرناليستيكانىڭ قوعام ومىرىندەگى ماڭىزدى ءرولىن اشىپ كورسەتتى. قازاقستان رەسپۋبليكاسىنىڭ ۇلىبريتانياداعى ەلشىلىگىنىڭ باسپا ءسوز اتتاشەسى ايگەرىم سەيسەمبايەۆا زاماناۋي پۋبليسيستيكانىڭ وزەكتى ماسەلەلەرىن سارالادى.
ءسوز سويلەۋشىلەر تاۋەلسىز ەلمەن بىرگە جۋرناليستيكا دا ءوستى، ال ب ا ق وكىلدەرى وزدەرى وقىعان جانە جوعارى بىلىكتى مامان رەتىندە قالىپتاسقان داستۇرلەرگە ىجداھاتتىلىقپەن قاراپ، ساقتاي الدى دەگەن پىكىردى العا تارتتى.
شارادا قازىرگى جۋرناليستيكانىڭ قوعامداعى ورنى كەڭىنەن تالقىلاندى. پاندەمياعا قاراماستان، تىكەلەي ەفيردە جۇمىس ىستەپ، وقىرماندار مەن كورەرمەندەرگە شىنايى اقپارات بەرىپ جاتقان جۋرناليستەر قاۋىمىنىڭ جانكەشتى ەڭبەگى دە ەرەكشە اتالىپ ءوتتى.
سونداي-اق قاتىسۋشىلار قازۇۋ-دىڭ جۋرناليستيكا فاكۋلتەتىنىڭ كاسىبي مامان دايارلاۋداعى ۇلەسىن اتاپ ءوتىپ، سول جۋرناليستەردىڭ وتاندىق باق-تا جانە ەل اتىنان شەتەلدەردە ابىرويمەن قىزمەت ەتىپ جۇرگەنىن تىلگە تيەك ەتتى.
ەلىمىزدىڭ العاشقى جۋرفاگىنىڭ 87 جىلدىق مول تاجىريبەسى – الدىڭعى تولقىن وكىلدەرىن ەستە ساقتايتىن ءارى قۇرمەتتەيتىن جانە ۋاقىتتىڭ كەز كەلگەن سىن-قاتەرلەرىنە توتەپ بەرەتىن ناعىز مامانداردىڭ ءدال وسىندا، قارا شاڭىراقتا دايارلاناتىنىن كورسەتىپ بەردى.
