Jýrnalistikanyń qoǵamdaǵy róli aishyqtaldy
Alqaly jiyndy ashqan Ál-Farabi atyndaǵy QazUÝ-dyń Basqarma Tóraǵasy – Rektory Janseiit Túimebaev qazaq jýrnalistikasynyń bai tarihyna toqtaldy. HIH ǵasyrdyń sońynda paida bolǵan ol dáýirmen birge ósip jetildi. Álihan Bókeihanov, Mirjaqyp Dýlatov, Ǵani Muratbaev, Iliias Jansúgirov, Ahmet Baitursynov syndy qazaq jýrnalistikasynyń maitalmandary men maqtanyshtaryn, kórnekti redaktorlar men jýrnalisterdi eske aldy.
Forým aiasynda QR Parlamenti Senatynyń depýtaty Nurtóre Júsip pen QR Parlamenti Májilisiniń depýtaty Saýytbek Ábdirahmanov baiandama jasap, jýrnalistikanyń qoǵam ómirindegi mańyzdy rólin ashyp kórsetti. Qazaqstan Respýblikasynyń Ulybritaniiadaǵy Elshiliginiń baspasóz attashesi Áigerim Seisembaeva zamanaýi pýblitsistikanyń ózekti máselelerin saralady.
Sóz sóileýshiler táýelsiz elmen birge jýrnalistika da ósti, al BAQ ókilderi ózderi oqyǵan jáne joǵary bilikti maman retinde qalyptasqan dástúrlerge yjdahattylyqpen qarap, saqtai aldy degen pikirdi alǵa tartty.
Sharada qazirgi jýrnalistikanyń qoǵamdaǵy orny keńinen talqylandy. Pandemiiaǵa qaramastan, tikelei efirde jumys istep, oqyrmandar men kórermenderge shynaiy aqparat berip jatqan jýrnalister qaýymynyń jankeshti eńbegi de erekshe atalyp ótti.
Sondai-aq qatysýshylar QazUÝ-dyń jýrnalistika fakýltetiniń kásibi maman daiarlaýdaǵy úlesin atap ótip, sol jýrnalisterdiń otandyq BAQ-ta jáne el atynan shetelderde abyroimen qyzmet etip júrgenin tilge tiek etti.
Elimizdiń alǵashqy jýrfagynyń 87 jyldyq mol tájiribesi – aldyńǵy tolqyn ókilderin este saqtaityn ári qurmetteitin jáne ýaqyttyń kez kelgen syn-qaterlerine tótep beretin naǵyz mamandardyń dál osynda, qara shańyraqta daiarlanatynyn kórsetip berdi.
