"ءقازىر اقپاراتتىق سوعىس الەمدە قالاي ءجۇرىپ جاتقانىن، ءار ەل اقپاراتتىق تۇرعىدا ءوز-وزىن قالاي قاۋىپسىزدەندىرۋگە تىرىسىپ جاتقانىن جاقسى بىلەمىز. سوندىقتان قوسىمشا قۇن سالىعى بۇقارالىق اقپارات قۇرالدارىنا 16%-عا جەتەتىن بولسا، سايكەسىنشە بۇل ءبىزدىڭ ەلىمىزدەگى بۇقارالىق اقپارات قۇرالدارىنىڭ ءوزىمىزدىڭ ىشتەگى ازاماتتارىمىزعا، وتانداستارىمىزعا قاجەت جوبالار جاساۋىنا، قاجەت دۇنيەلەردى جولداۋىنا ياكي باسەكەلەستىك قابىلەتتىلىگىنە كەرى اسەر ەتەدى. سايكەسىنشە شەتەلدىك بۇقارالىق اقپارات قۇرالدارى ەلىمىزدە قاپتايدى جانە شەتەلدىك جوبالار ءبىزدىڭ تەلەەكراننان دا، راديودان دا، ينتەرنەتتەن دە تۇسپەيدى دەگەن ءسوز. بۇل - ۇلكەن ءقاۋىپ"، - دەدى ول.

"بىزدە وبلىستىق، اۋداندىق، قالالىق گازەت-جۋرنالدار بار. ول جەردەگى ارىپتەستەرىمىز ونسىزدا كىپ-كىشكەنتاي ايلىققا ءىلدىلدالاپ ارەڭ كۇنىن كورىپ وتىر. ەگەر ولارعا سالىناتىن قوسىمشا قۇن سالىعى 16%-عا باراتىن بولسا، وندا كوبى جابىلىپ تىنادى. سايكەسىنشە ايماقتار ءتيىستى اقپارات قۇرالىنسىز قالادى، ازاماتتار، ارىپتەس جۋرناليستەرىمىز جۇمىسسىز قالادى"، - دەدى ول.

"ءبىرىنشىسى، ەلىمىزدەگى وتاندىق گازەت-جۋرنالدارعا قوسىمشا قۇن سالىعىن الىپ تاستاۋ ياكي ءنول پايىز قىلۋ. ەكىنشى ەلىمىزدەگى وتاندىق رەسمي تىركەلگەن تەلەارنالار مەن راديولارعا جانە ينتەرنەت رەسۋرستارىنا قوسىمشا قۇن سالىعىن 10% دەڭگەيىندە قالدىرۋ. ءبارىمىز بىلەتىن ءتامسىل بار عوي: كىم اقپاراتقا يەلىك ەتسە، سول الەمگە يەلىك ەتەدى دەگەن. سوندىقتان وسى باعىتتا وتاندىق باق-تىڭ باسەكەلەستىككە قابىلەتتىلىگىن، دۇرىس اقپارات تاراتۋىن ساقتاپ قالۋ كەرەك"، - دەپ تۇيىندەدى ول.

"باق-قا ءبىز تولىعىمەن 16% ققس-تى جولدايمىز. سول سەبەپتى ەشقانداي جەڭىلدىكتەر كوزدەلمەگەن. ول ءاربىر باق-تىڭ جالپى جىلدا ەسەپتەلگەن تاۋار اينالىمىنا بايلانىستى بولادى. ققس-نىڭ شەكتى ءمانىن ءبىز قولدادىق. 40 ميلليون تەڭگە. ول دەگەن اقيقات زات ەسەپتەيمىن. شەتەلدىك ب ا ق كەلسە، ولار دا تولەيدى. سول سەبەپتى ءاربىر باق-تىڭ باسەكەلەستىككە قابىلەتتىلىگى ونىڭ بەرگەن اقپاراتىنىڭ كوپشىلىككە قىزىق ەكەنىنە، ساپاسىنا بايلانىستى بولادى. جۋرنال، گازەت، ينتەرنەت، راديو دەپ ءبولۋ دۇرىس ەمەس دەپ ەسەپتەيمىز"، - دەدى مينيستر.