وتكەن ايدا تۇركيادا ءبىزدىڭ ەلدى بەتكە العان ساپار سانى كۇرت وسكەن دەپ حابارلايدى Dalanews.kz وسى ەلدىڭ جۇمىسپەن قامتۋ باسقارماسىنا (İŞKUR) سىلتەمە جاساپ.
باسقارما مالىمەتىندە 2020 جىلدىڭ قاڭتارىندا İŞKUR ارقىلى قازاقستانعا ساپارلاعان تۇرىكتەر سانى بىلتىرعى جىلعى ءدال وسى مەرزىممەن سالىستىرعاندا 16،9 ەسە وسكەنى ايتىلعان.
وتكەن ايدا جۇمىسپەن قامتۋ باسقارماسىنىڭ ءجون سىلتەۋىمەن قازاقستانعا 394 تۇركيا ازاماتى كەلىپ قايتقان.
باسقارما مالىمەتىندە بۇلاردىڭ قانشاسى قازاقستاندا تۇراقتاپ قالعانى ايتىلمايدى.
جالپى قاڭتار ايىندا İŞKUR ارقىلى 1783 تۇرىك ازاماتى ءناپاقاسىن شەت مەملەكەتتەن تابۋعا اتتانعان. بۇل بىلتىرعى جىلعى وسى مەرزىممەن سالىستىرعاندا 10،4 پايىزعا كوپ.
ءقازىر تۇركياداعى جۇمىسسىزدار سانى - 4 ملن ادامدى قۇرايدى.
