قر پرەمەر-مينيسترٸنٸڭ ورىنباسارى — ۇلتتىق ەكونوميكا مينيسترٸ سەرٸك جۇمانعارين "بەيتەرەك" ۇبح ديرەكتورلار كەڭەسٸنٸڭ قۇرامىنا الىندى. كەرٸسٸنشە, حولدينگتٸڭ ديرەكتورلار كەڭەسٸنەن ەكس-مينيستر نۇرلان بايبازاروۆ شىعارىلدى, دەپ جازادى Dalanews.kz.
ەسكە سالا كەتسەك, 2024 جىلدىڭ جەلتوقسان ايىنىڭ ورتاسىندا (قاراشا ايىنىڭ سوڭىنداعى تەڭگە دەۆالۆاتسيياسىنان سوڭ) قازاقستان پرەزيدەنتٸنٸڭ جارلىعىمەن نۇرلان بايبازاروۆ قر پرەمەر-مينيسترٸنٸڭ ورىنباسارى — ۇلتتىق ەكونوميكا مينيسترٸ لاۋازىمىنان بوساتىلعان ەدٸ. ٸلە-شالا ونىڭ ورنىنان سەرٸك جۇمانعارين باستى. سوعان قاراعاندا "بەيتەرەكتەگٸ" اۋىس-تٷيٸس تە سول كەزدەگٸ كادرلىق ٶزگەرٸستٸڭ جالعاسى ٸسپەتتٸ.
جالپى, ۇلتتىق باسقارۋ حولدينگتٸڭ ديرەكتورلار كەڭەسٸ 10 ادامنان تۇرادى. ولاردىڭ قاتارىندا جۇمانعاريننەن بٶلەك ٷكٸمەت باسشىسى ولجاس بەكتەنوۆ, قر پرەزيدەنتٸنٸڭ كەڭەسشٸسٸ ەرۇلان جاماۋباەۆ, قر پرەمەر-مينيسترٸنٸڭ بٸرٸنشٸ ورىنباسارى رومان سكليار, قارجى مينيسترٸ مەدي تاكيەۆ, ٶنەركەسٸپ جەنە قۇرىلىس مينيسترٸ قانات شارلاپاەۆ, "بەيتەرەك" ۇبح باسقارما تٶراعاسى رۋستام قاراعويشين جەنە ٷش رەزيدەنت ەمەس تۇلعا بار: دانيەل ا.ۆيتت, مەري-ەلەنا بەرار جەنە مانفرەد گرۋندكە.
2024 جىلدىڭ 1 قازانىنداعى جاعداي بويىنشا ۇبح-نىڭ جاي اكتسييالارىنىڭ 100%-ى قر قم مەملەكەتتٸك مٷلٸك جەنە جەكەشەلەندٸرۋ كوميتەتٸنٸڭ يەلٸگٸندە بولىپ تابىلادى.
ايتا كەتسەك, قازاقستان ەكونوميكاسىنىڭ بەتكە ۇستار – ۇلتتىق كومپانييالارىنىڭ رەنتابەلدٸلٸگٸ مەن تابىسى بيىل, ياعني 2024 جىلدىڭ بويىندا تەك تٶمەندەۋمەن بولعان. ساراپشىلار بۇل ۇلتتىق كومپانييالاردى باسقارۋشى "بەيتەرەك" حولدينگٸنٸڭ جەنە ونىڭ جالعىز اكتسيونەرٸ ٷكٸمەتتٸڭ ولقىلىعى بولۋى كەرەك دەپ سانايدى. وسى جاعىنان العاندا, جىل سوڭىندا ۇلتتىق ەكونوميكا مينيسترٸ نۇرلان بايبازاروۆتىڭ قىزمەتٸنەن كەتۋٸ كەزدەيسوقتىق ەمەس ەكەنٸ ايتىلعان. بۇل تۋرالى سايتىمىزداعى "ۇلتتىق كومپانييالارعا نە بولعان? دەپۋتاتتار نەگە ٷنسٸز" دەگەن ماقالادان وقىپ-بٸلە الاسىزدار. سونداي-اق وسى تاقىرىپپەن بايلانىستى "مامان انتيرەكورد تٸركەگەن تشي-عا قاتىستى ٷكٸمەتتە ەش ساسپايتىندار بارىن ايتتى" دەگەن ماقالامەن دە تانىسساڭىزدار بولادى. يە, ۇلتتىق بانك دەرەكتەرٸنە سەيكەس, قازاقستان ەكونوميكاسىنا تارتىلعان جالپى تٸكەلەي شەتەلدٸك ينۆەستيتسييالار (تشي) كٶلەمٸ دە 2024 جىلدىڭ 9 ايىندا قاتتى تٶمەندەگەن...
