قازاقستاندىقتار بىلتىر كٶرٸپكەلدەر مەن بالگەرلەرگە 3 ملرد تەڭگەگە جۋىق اقشا جۇمساعان. بۇل - الدىڭعى جىلمەن سالىستىرعاندا باقانداي 75 ەسەگە كٶپ كٶرسەتكٸش, دەپ حابارلايدى Dalanews.kz.
Finprom ساراپشىلارىنىڭ دەرەگٸنشە, قازاقستاندا كەيٸنگٸ ۋاقىتتا حالىقتىڭ كٶرٸپكەلدەر مەن بالگەرلەرگە دەگەن قىزىعۋشىلىعى كٷرت ٶسكەن. رەسمي تٷردە تٸركەلٸپ, زاڭدى جۇمىس ٸستەيتٸن بالگەرلەر, نۋمەرولوگتار مەن استرولوگتار بىلتىر جالپى سوماسى 2,9 ملرد تەڭگەنٸڭ قىزمەتٸن كٶرسەتكەن. مەسەلەن, بۇل كٶرسەتكٸش 2023 جىلى بار بولعانى 39,5 ملن تەڭگەنٸ قۇراعان.
جالپى سومانىڭ باسىم بٶلٸگٸن, ياعني 2,7 ملرد تەڭگەسٸن بال اشاتىندار مەن نۋمەرولوگتار تاپقان. ەكستراسەنستەردٸڭ تابىسى سالىستىرمالى تٷردە قاراپايىمداۋ: ولار بىلتىر 225,7 ملن تەڭگەنٸڭ قىزمەتٸن كٶرسەتكەن. دەسە دە, بۇل كٶرسەتكٸش تە الدىڭعى جىلدان ايتارلىقتاي جوعارى.
بٸر قىزىعى, ناقتى تابىس كٶلەمٸ رەسمي ەسەپتەن ەلدەقايدا كٶپ بولۋى مٷمكٸن. ٶيتكەنٸ بۇل سالاداعى كٶپتەگەن "ماماندار" رەسمي تٷردە جەكە كەسٸپكەر رەتٸندە تٸركەلمەگەن جەنە سالىق تٶلەمەيدٸ.
ساراپشىلار نازار اۋدارعان تاعى بٸر قىزىق دەرەك: وسى 3 ملرد تەڭگەگە جۋىق سومانىڭ جارتىسىن عانا جەكە تۇلعالار تٶلەگەن. قالعان 1,4 ملرد تەڭگە تٷرلٸ ۇيىمدار مەن باسقا دا زاڭدى كٶزدەردەن تٷسكەن. بۇرىنعى جىلداردا مۇنداي دەرەكتەر تٸركەلمەگەن ەدٸ.
قازاقستاندا بالگەرلٸك قىزمەت قانشا تۇرادى?
قىزمەتتٸڭ باعاسى كليەنتتٸڭ سۇرانىسىنا بايلانىستى ەرتٷرلٸ بولىپ كەلەدٸ. مىسالى, قاراپايىم كارتا ارقىلى بال اشۋ شامامەن 3 مىڭ تەڭگە تۇرادى. ال تارو كارتاسىمەن جورامال جاساۋ قۇنى 5 مىڭ تەڭگەدەن باستاپ, 15 مىڭ تەڭگەگە دەيٸن جەتەدٸ.
ادامدى دۋادان قورعاۋ, جامان ەنەرگييادان تازارتۋ قۇنى ورتاشا ەسەپپەن 30 مىڭ تەڭگە, ال قارىزدان قورعايتىن ارنايى "باعدارلاما" 45 مىڭ تەڭگە شاماسىندا تۇرادى.
"تاعدىر ماتريتساسىن" تولىق تالداۋ باعاسى ورتا ەسەپپەن 200 مىڭ تەڭگەگە جەتەدٸ. جۇبايىن "قايتارۋ" قىزمەتٸ 500 مىڭ تەڭگەدەن كەم تٷسپەيدٸ. بيزنەستٸ كٶرٸپكەلدٸك جولمەن "ٸلگەرٸلەتۋ" قۇنى 400 مىڭ تەڭگە شاماسىندا. ال دەسترۋكتيۆتٸ سيپاتتاعى تٷرلٸ رەسٸمدەر 1 ملن تەڭگەدەن باستالادى.
جالپى العاندا, مۇنداي قىزمەتتەردٸڭ كٶبٸ سالىستىرمالى تٷردە زييانسىز سانالادى. الايدا كەز كەلگەن ادام بۇل سالادا الاياقتارعا تاپ بولۋى مٷمكٸن. مۇنداي "كٶرٸپكەلدەر" كليەنتتٸ قاجەتتٸ قىزمەتپەن قامتاماسىز ەتۋدٸڭ ورنىنا, قارجىسىن الداپ الۋ قاۋپٸ باسىم. بۇعان قوسا, تٷرلٸ الاياقتىق ەرەكەتتەر جاساپ, كليەنتتٸ توناپ كەتۋ جاعدايلارى دا جيٸ كەزدەسەدٸ.
سوندىقتان ساراپشىلار قازاقستاندىقتارعا ەكستراسەنس, كٶرٸپكەل, بالگەرلەردٸڭ قىزمەتٸنە جٷگٸنەر الدىندا تەۋەكەلدەردٸ ەسكەرٸپ, شەشٸمدٸ مۇقييات ويلاستىرۋعا كەڭەس بەرەدٸ. ٶيتكەنٸ سالىنعان قاراجات ٶزٸن-ٶزٸ اقتاماۋى ەبدەن مٷمكٸن.
