جەتٸسۋ وبلىسىندا ٶتكەن دەمالىس كٷندەرٸ بٸرنەشە قايعىلى وقيعا تٸركەلدٸ. شومىلۋعا تىيىم سالىنعان سۋ ايدىندارىندا ەرەسەكتەردٸڭ قاراۋىنسىز قالعان تٶرت بالا كٶز جۇمدى, دەپ حابارلايدى dalanews.kz.
بۇل تۋرالى تٶتەنشە جاعدايلار دەپارتامەنتٸ حابارلاپ, اتا-انالاردى سۋ جاعاسىندا قاراۋسىز قالدىرماۋعا شاقىردى.
ۆەدومستۆو مەلٸمەتٸنشە, قايعىلى وقيعالار كەربۇلاق, قاراتال جەنە سارقان اۋداندارىندا بولعان. بارلىق جاعدايدا بالالار شومىلۋعا تىيىم سالىنعان ورىندارعا بارعان.
27 ماۋسىمدا كەربۇلاق اۋدانىندا 11 جەنە 9 جاستاعى ەكٸ قىز ەرەسەكتەرسٸز ارالتٶبە اۋىلى ماڭىنداعى كٶلگە شومىلۋعا بارىپ, سۋعا باتىپ كەتكەن.
سول كٷنٸ قاراتال اۋدانىنداعى ٷشتٶبە قالاسى ماڭىندا ٶزەن جاعاسىندا دەمالىپ جٷرگەن وتباسىنىڭ ەكٸ جاسار بالاسى ابايسىزدا سۋعا قۇلاپ, اعىسقا تٶتەپ بەرە الماي قازا تاپقان.
ال جەكسەنبٸدە سارقان اۋدانىندا بالقاش كٶلٸنٸڭ جابدىقتالماعان جاعاجايىندا ٷش جاسار بالا سۋعا باتىپ كەتكەن. ول دا ەرەسەكتەردٸڭ قاراۋىنسىز قالعان.
قازٸر جەتٸسۋ وبلىسىندا رەسمي تٷردە شومىلۋعا رۇقسات ەتٸلگەن تٶرت ورىن عانا بار. ولار - تالدىقورعان قالالىق جاعاجايى, الاكٶلدەگٸ اقشي جەنە كٶكتۇما اۋىلدارىنداعى دەمالىس ايماقتارى, سونداي-اق, بالقاش كٶلٸنٸڭ لەپسٸ اۋىلىنداعى جاعاجايى.
