ءوڭىر باسشىسىنىڭ ايتۋىنشا، وتكەن جىلى ءۇشارال قالاسى اۋەجايىنىڭ ۇشۋ-قونۋ جولاعى ىسكە قوسىلدى، «ءتالدىقورعان-ۇشارال»، «ءۇشارال-دوستىق» اۆتوموبيل جولدارىنىڭ اسفالتبەتون جابىنى توسەلدى، بيىل تولىق اياقتالادى.
تۋريستىك ماۋسىمعا دەيىن جول بويىندا قىزىلاعاش، جانسۇگىروۆ، كولباي، قابانباي ەلدى مەكەندەرىنىڭ تۇسىندا اجەتحانا مەن ەستاكاداسى بار دەمالۋ الاڭدارى ىسكە قوسىلادى.
– بالقاشقا دەيىنگى جول قۇرىلىسىنىڭ 70%-ى اياقتالادى، كەلەسى جىلى تولىق اياقتاپ، جاعالاۋداعى ينجەنەرلىك-كوممۋنيكاسيالىق جەلىلەردىڭ قۇرىلىسىن باستايمىز. سونىڭ ناتيجەسىندە بارلىق رەسپۋبليكالىق ماڭىزى بار جولداردىڭ ساپاسى جاقسارادى. كەلەسى جىلى "سارىوزەك-جاركەنت" جولىنىڭ جوندەۋ جۇمىستارى اياقتالادى، – دەدى بەيبىت يسابايەۆ.
ودان بولەك تەكەلىدە تاۋ ءتۋريزمىن دامىتۋعا كوڭىل ءبولىنىپ، شاڭعى-بياتلون كەشەنىن سالۋدىڭ جوبالىق-سمەتالىق قۇجاتى ازىرلەنۋدە، «بۇرقانبۇلاق» سارقىراماسىنا دەيىنگى جول قايتا جاڭارتىلاتىنىن اكىم تىلگە تيەك ەتتى.
سول سياقتى شوقان ءۋاليحانوۆ كەسەنەسىنە دەيىنگى 6،5 شاقىرىم جولعا ورتاشا جوندەۋ جۇمىستارى تامىزدا اياقتالادى، جەرگىلىكتى بيۋدجەتتەن 253 ملن. تەڭگە ءبولىندى. «قازقايتاجاڭارتۋ» رمك ۇيىمى مۋزەي كەشەنىنە كۇردەلى جوندەۋدى باستادى.
