Óńir basshysynyń aitýynsha, ótken jyly Úsharal qalasy áýejaiynyń ushý-qoný jolaǵy iske qosyldy, «Taldyqorǵan-Úsharal», «Úsharal-Dostyq» avtomobil joldarynyń asfaltbeton jabyny tóseldi, biyl tolyq aiaqtalady.
Týristik maýsymǵa deiin jol boiynda Qyzylaǵash, Jansúgirov, Kólbai, Qabanbai eldi mekenderiniń tusynda ájethana men estakadasy bar demalý alańdary iske qosylady.
– Balqashqa deiingi jol qurylysynyń 70%-y aiaqtalady, kelesi jyly tolyq aiaqtap, jaǵalaýdaǵy injenerlik-kommýnikatsiialyq jelilerdiń qurylysyn bastaimyz. Sonyń nátijesinde barlyq respýblikalyq mańyzy bar joldardyń sapasy jaqsarady. Kelesi jyly "Saryózek-Jarkent" jolynyń jóndeý jumystary aiaqtalady, – dedi Beibit Isabaev.
Sol siiaqty Shoqan Ýálihanov kesenesine deiingi 6,5 shaqyrym jolǵa ortasha jóndeý jumystary tamyzda aiaqtalady, jergilikti biýdjetten 253 mln. teńge bólindi. «Qazqaitajańartý» RMK uiymy mýzei keshenine kúrdeli jóndeýdi bastady.
