"اقپاندا دەپۋتاتتار تاعى دا الاشاپقىن بولادى. جولداۋدى جۇرتقا تۇسىندىرمەك بوپ جىنىگەدى. اۋىل-ايماقتاردى ارالايدى. قويۋ كەرەك قوي! حالىققا جولداۋدى ءتۇسىندىرۋدىڭ قاجەتى جوق. ەل اقىماق ەمەس. ەلدىڭ كوزى اشىق. وزىنە الدەنەنى تۇسىندىرگىسى كەلەتىن ادامنان دا اقىلدى ءارى دانا ءبىزدىڭ حالىق. جۇرتقا دەپۋتاتتاردىڭ جولداۋدى تۇسىندىرگەنى تۇككە كەرەك ەمەس.
ودان بۇرىن بۇلار (دەپۋتاتتار) اۋىل-ايماقتى ءوز اقشاسىنا ارالامايدى. بيۋدجەتتىڭ قارجىسىن شاشادى. ولاردى كۇتىپ وتىرعان حالىق جوق. مۇنداي ساپارلاردىڭ دەنى ايتەۋىر ەسەپ بەرۋ ءۇشىن ۇيىمداستىرىلاتىنى تاعى بەلگىلى. ودان دا باسقا ىسپەن اينالىسسىن. جەر داۋى كەزىندە ۇندەمەگەن، لاڭكەستىك ورىن العاندا ءتيىستى شەشىم شىعارا الماعان، زاماناۋي زاڭ قابىلداي الماعان ولاردىڭ قالاي جۇمىس جاساپ وتىرعانىن ەل كورىپ وتىر.
اينالىپ كەلگەندە، حالىق قالاۋلىسى دەگەن اتى بۇلار ءدال وسىنداي كۇردەلى، وزەكتى ماسەلەلەر كەزىندە كورىنۋى كەرەك. حالىق اراسىندا ءجۇرۋى كەرەك. ولاردىڭ ەل باسىنا كۇن تۋعاندا ىنىنە تىعىلىپ قالاتىن ساياساتى ەشكىمگە كەرەك ەمەس" دەگەن ەكەن ساتپايەۆ.
