Joldaýdy túsindirýdiń qajeti joq. El aqymaq emes
"Aqpanda depýtattar taǵy da alashapqyn bolady. Joldaýdy jurtqa túsindirmek bop jinigedi. Aýyl-aimaqtardy aralaidy. Qoiý kerek qoi! Halyqqa Joldaýdy túsindirýdiń qajeti joq. El aqymaq emes. Eldiń kózi ashyq. Ózine áldeneni túsindirgisi keletin adamnan da aqyldy ári dana bizdiń halyq. Jurtqa depýtattardyń Joldaýdy túsindirgeni túkke kerek emes.
Odan buryn bular (depýtattar) aýyl-aimaqty óz aqshasyna aralamaidy. Biýdjettiń qarjysyn shashady. Olardy kútip otyrǵan halyq joq. Mundai saparlardyń deni áiteýir esep berý úshin uiymdastyrylatyny taǵy belgili. Odan da basqa ispen ainalyssyn. Jer daýy kezinde úndemegen, lańkestik oryn alǵanda tiisti sheshim shyǵara almaǵan, zamanaýi zań qabyldai almaǵan olardyń qalai jumys jasap otyrǵanyn el kórip otyr.
Ainalyp kelgende, halyq qalaýlysy degen aty bular dál osyndai kúrdeli, ózekti máseleler kezinde kórinýi kerek. Halyq arasynda júrýi kerek. Olardyń el basyna kún týǵanda inine tyǵylyp qalatyn saiasaty eshkimge kerek emes" degen eken Sátpaev.
