تۇركىستان وبلىسى، تۇلكىباس اۋدانىندا ەلباسى جولداۋىن ناسيحاتتاۋ جانە ءتۇسىندىرۋ ماقساتىندا ق ر ەڭبەك جانە حالىقتى قورعاۋ مينيسترلىگى، ەڭبەك، الەۋمەتتىك قورعاۋ جانە كوشى-قون كوميتەتى ءتوراعاسىنىڭ ورىنباسارى دامەجان ءسادۋاقاسوۆا ارنايى كەلىپ اۋدان تۇرعىندارمەن كەزدەستى.

جيىندى اۋدان اكىمىنىڭ ورىنباسارى ە.كۇزەمبايەۆ اشىپ، جۇرگىزىپ وتىردى. جيىن بارىسىندا دامەجان تولەۋباي قىزى ەلباسىنىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا جولداۋىن جان-جاقتى تالداپ، ءتۇسىندىرىپ ءوتتى.

اسىرەسە جولداۋدا ايتىلعان الەۋمەتتىك ماسەلەلەر ونىڭ ىشىندە كەلەر جىلدان باستاپ جالاقىنىڭ ءوسۋى اپاتتى مەكتەپتەر ماسەلەسى تۇبەگەلى شەشۋ، اۋىلدىق جەرلەردە العاشقى مەديسينالىق كومەك كورسەتۋدى دامىتۋ، جاڭا سپورت كەشەندەر سالۋ، ەل ەرتەڭى بولاتىن جاستارعا قولداۋ كورسەتۋ، سىرتقى ساياسات، كاسىپكەرلىك پەن اۋىلشارۋاشىلىق سالاسىن دامىتۋ، جوعارى وقۋ ورىندارىندا ءبىلىم جۇيەسىن رەفورمالاۋ جايىندا ايتىپ ءوتتى. سونىمەن قاتار بۇگىندە جەمىستى جۇزەگە اسىپ جاتقان «بەس الەۋمەتتىك باستاما»، «نۇرلى جول»، «نۇرلى جەر» باعدارلامارى اياسىندا ەلىمىزدە اتقارىلىپ جاتقان جۇمىستار جايىندا جەتكىزدى.

جيىندا كەلتەماشات اۋىلدىق قوعامدىق كەڭەستىڭ ءتوراعاسى ءا.كەرىمقۇلوۆ، ب.سادىقوۆ اتىنداعى جالپى ورتا مەكتەبىنىڭ تاربيە ءىسى جونىندەگى ورىنباسارى م.تۇرسىنبايەۆ جولداۋدا ايتىلعان ماسەلەلەر بويىنشا ءوز پىكىرلەرىن ءبىلدىردى. جيىندى اۋدان اكىمىنىڭ ورىنباسارى ە.كۇزەمبايەۆ قورىتىندىلاپ، ارنايى ىس-ساپارمەن كەلگەن دامەجان تولەۋبايقىزىنا اۋدان تۇرعىندارى اتىنان ريزاشىلىعىن جەتكىزدى.

 

«Dalanews» اقپارات