Joldaý – jalaqy ósip, apatty mektepter máselesi sheshimin tabady
Túrkistan oblysy, Túlkibas aýdanynda Elbasy Joldaýyn nasihattaý jáne túsindirý maqsatynda QR Eńbek jáne halyqty qorǵaý ministrligi, eńbek, áleýmettik qorǵaý jáne kóshi-qon komiteti tóraǵasynyń orynbasary Dámejan Sádýaqasova arnaiy kelip aýdan turǵyndarmen kezdesti.
Jiyndy aýdan ákiminiń orynbasary E.Kúzembaev ashyp, júrgizip otyrdy. Jiyn barysynda Dámejan Tóleýbaiqyzy Elbasynyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halqyna Joldaýyn jan-jaqty taldap, túsindirip ótti.
Ásirese Joldaýda aitylǵan áleýmettik máseleler onyń ishinde keler jyldan bastap jalaqynyń ósýi apatty mektepter máselesi túbegeli sheshý, aýyldyq jerlerde alǵashqy meditsinalyq kómek kórsetýdi damytý, jańa sport keshender salý, el erteńi bolatyn jastarǵa qoldaý kórsetý, syrtqy saiasat, kásipkerlik pen aýylsharýashylyq salasyn damytý, joǵary oqý oryndarynda bilim júiesin reformalaý jaiynda aityp ótti. Sonymen qatar búginde jemisti júzege asyp jatqan «Bes áleýmettik bastama», «Nurly jol», «Nurly jer» baǵdarlamary aiasynda elimizde atqarylyp jatqan jumystar jaiynda jetkizdi.
Jiynda Keltemashat aýyldyq qoǵamdyq keńestiń tóraǵasy Á.Kerimqulov, B.Sadyqov atyndaǵy jalpy orta mektebiniń tárbie isi jónindegi orynbasary M.Tursynbaev joldaýda aitylǵan máseleler boiynsha óz pikirlerin bildirdi. Jiyndy aýdan ákiminiń orynbasary E.Kúzembaev qorytyndylap, arnaiy is-saparmen kelgen Dámejan Tóleýbaiqyzyna aýdan turǵyndary atynan rizashylyǵyn jetkizdi.
«Dalanews» aqparat
