بارىمىزگە ءمالىم، جىل سايىن تەمىر جول جولاۋشىلار كولىگى قىزمەتىن 20 ميلليوننان استام جولاۋشى پايدالانادى، سول سەبەپتى «جولاۋشىلار تاسىمالى» اكسيونەرلىك قوعامىنىڭ باستى ماقساتى – حالىقتى ساپالى ءارى قول جەتىمدى كولىك قىزمەتىمەن قامتاماسىز ەتۋ.
تەمىر جولاۋشىلار تاسىمالىن ۇيىمداستىرۋ جۇيەسى قىزمەت كورسەتۋ ساپاسىن جاقسارتۋعا جانە جولاۋشىلاردى قاناعاتتاندىرۋعا باعىتتالعان پروسەستەر جيىنتىعىنان تۇرادى.
جولاۋشىلار تاسىمالى جۇيەسىندە بيلەت ساتۋ جۇيەسىنىڭ ورنى ەرەكشە.
وسى ورايدا، حالىقتىڭ تەمىر جول بيلەتىن ساتىپ الۋىنا بارىنشا قولايلى جاعداي جاساپ، مۇمكىندىك بەرۋ ءۇشىن «قازاقستان تەمىر جولى» ۇلتتىق كومپانياسىنىڭ قولداۋىمەن جاڭا، «Mobius» وتاندىق قارجى جۇيەسىنە نەگىزدەلگەن ەلەكتروندى بيلەتپەن قامتاماسىز ەتۋ تەحنولوگياسىنا كوشۋ جوباسى ىسكە اسىرىلدى.
بارىمىزگە ءمالىم، جىل سايىن تەمىر جول جولاۋشىلار كولىگى قىزمەتىن 20 ميلليوننان استام جولاۋشى پايدالانادى، سول سەبەپتى «جولاۋشىلار تاسىمالى» اكسيونەرلىك قوعامىنىڭ باستى ماقساتى – حالىقتى ساپالى ءارى قول جەتىمدى كولىك قىزمەتىمەن قامتاماسىز ەتۋ.
جاڭا بيلەت جاڭا جۇيەسىنە كوشۋ بيلەت ساتىپ الۋ شارتتارىن جاقسارتتى، ياعني:
- ينتەرنەت-سايتتار (15)، وزىنە-وزى قىزمەت كورسەتۋ اۆتوماتتارى (15 مىڭ دانا)، پوشتا بولىمشەلەرى (1،6 مىڭ دانا) جانە ت.ب. ارقىلى بيلەت ساتۋ ءراسىمىن ۇيىمداستىرۋ ارقاسىندا ساتۋ كانالدارى ەداۋىر كەڭەيدى؛
- قىزمەتتى پايدالانۋشىلارعا وزىنە-وزى قىزمەت كورسەتۋ رەجيمىندە بيلەت ساتىپ الۋ كەزىندە بوس ورىنداردىڭ بار-جوعى تۋرالى مالىمەتتەردىڭ انىقتىعى قامتاماسىز ەتىلدى.
جالپى العاندا، 2018 جىلدىڭ قورىتىندىسى بويىنشا، شامامەن، 15،4 ميلليون بيلەت، ياعني ساتىلعان بيلەتتەردىڭ جالپى كولەمىنىڭ 69%-ى ەلەكتروندى تۇردە رەسىمدەلگەن، ونىڭ 4،8 ميلليونى نەمەسە 21%-ى ينتەرنەت-رەسۋرستار ارقىلى ساتىپ الىنعان.
2019 جىلدىڭ 11 ايىنىڭ قورىتىندىسى بويىنشا 15،9 ميلليوننان استام بيلەت ساتىلعان، بۇل ساتىلعان بيلەتتەردىڭ جالپى كولەمىنىڭ 80%-نان استامى ەلەكتروندى تۇردە رەسىمدەلگەن، ونىڭ 5،3 ملليونى نەمەسە 27%-ى ينتەرنەت-رەسۋرستار ارقىلى ساتىپ الىنعان.
وسى جىلى تەمىر جول بيلەتىن «ەلەكتروندى كۇتۋ پاراعى» ارقىلى ساتىپ الۋعا مۇمكىندىك بەرىلدى.
قازىرگى تاڭدا ساتىپ الاتىن بوس ورىندار بولماعان جاعدايدا، جولاۋشىنىڭ «كۇتۋ پاراعى» تىزىمىنە تىركەلۋگە مۇمكىندىگى بار، ال بوس ورىندار پايدا بولعان كەزدە جۇيە كەزەكتەگى جولاۋشىعا پايدا بولعان بوس ورىندى ۇسىنادى.
جالپى العاندا، 2018 جىلدىڭ قورىتىندىسى بويىنشا، شامامەن، 15،4 ميلليون بيلەت، ياعني ساتىلعان بيلەتتەردىڭ جالپى كولەمىنىڭ 69%-ى ەلەكتروندى تۇردە رەسىمدەلگەن، ونىڭ 4،8 ميلليونى نەمەسە 21%-ى ينتەرنەت-رەسۋرستار ارقىلى ساتىپ الىنعان.
«كۇتۋ پاراعى» قىزمەتى ىسكە قوسىلعان كۇننەن (2019 جىلدىڭ 10 شىلدەسىنەن) باستاپ وسى ۋاقىتقا دەيىن جاپپاي تاسىمال كەزىندە (قاۋىرت كەزدە) 85 مىڭعا جۋىق بيلەت ساتىپ الىنعان. وسى ورايدا اتاپ ايتارىمىز، تمد ەلدەرىنىڭ تەمىر جول كولىگى سالاسىندا بۇل قىزمەت العاش رەت قازاقستاندا ەنگىزىلىپ وتىر.
باس ديرەكتوردىڭ كورپوراتيۆتىك ماسەلەلەر جانە HR جونىندەگى ورىنباسارى ا.قالدىكوزوۆتىڭ ايتۋى بويىنشا، تمد ەلدەرى اراسىندا ەلەكتروندى-سيفرلى بيلەت ساتۋ تۇرىنە (ءداستۇرلى بلانكتەردى قولدانباي) تولىق كوشكەن تەمىر جول اكىمشىلىگى – ول قازاقستاننىڭ تەمىر جول اكىمشىلىگى.
جولاۋشىلاردىڭ جول ءجۇرۋ جاعدايىن جاقسارتۋ ماقساتىندا جاڭا ەرەجەگە سايكەس مۇمكىندىگى شەكتەۋلى ازاماتتاردىڭ بارلىق توبى ءۇشىن الەۋمەتتىك ماڭىزى بار قاتىناستاعى پويىزدارعا – 50% جەڭىلدىك ەنگىزىلدى. بۇل نورما الەۋمەتتىك ماڭىزى بار 57 پويىزدا، ونىڭ ىشىندە 6 «تۇلپار-تالگو» پويىزىندا قولدانىلادى.
سونىمەن قاتار، الەۋمەتتىك ماڭىزى بار پويىزدارعا بالاما رەتىندە ۇيىمداستىرىلعان كوممەرسيالىق 9 «تۇلپار-تالگو» پويىزىندا مۇمكىندىگى شەكتەۋلى ازاماتتاردىڭ جول جۇرۋىنە ارنالعان ارنايى كۋپەدەگى ورىنعا، سونداي-اق ولاردى الىپ جۇرەتىن ادامدارعا 70% جەڭىلدىك بەرىلەدى.
قازىرگى تاڭدا مۇمكىندىگى شەكتەۋلى ازاماتتار ءۇشىن ينتەرنەت-سايتتار، وزىنە-وزى قىزمەت كورسەتۋ اۆتوماتتارى ارقىلى بيلەت ساتۋ ءراسىمىن ۇيىمداستىرۋ ماسەلەسى پىسىقتالۋدا.
وسى ماسەلە بويىنشا مۇددەلى مەملەكەتتىك ورگاندارمەن، ونىڭ ىشىندە ق ر ەڭبەك جانە حالىقتى الەۋمەتتىك قورعاۋ مينيسترلىگىمەن بىرلەسكەن جۇمىس توبى قۇرىلدى.
كەلەر جىلى «موبيۋس» جۇيەسى نەگىزىندە بيلەت ساتاتىن ءموبيلدى قوسىمشانى جانە بيلەتتى توتە (تىكەلەي) ساتۋ جۇيەسىن ەنگىزۋ جوسپارلانۋدا. ياعني، توتە مارشرۋت بولماعان جاعدايدا، كليەنتكە باسقا پويىزعا اۋىسىپ وتىراتىن ورىن رەسىمدەۋگە، ال ول پويىزدان ورىن بولماعان جاعدايدا ورىندى كەلىسىلگەن پويىزدارعا رەسىمدەۋگە مۇمكىندىك بەرىلمەك.
جولاۋشىلارمەن قايتا بايلانىستى قامتاماسىز ەتۋ ماقساتىندا وتىنىشتەردى ەسەپكە الۋدىڭ ءبىرىڭعاي جۇيەسى ىسكە قوسىلدى. وتىنىشتەر 24/7 رەجيمىندە جۇمىس ىستەيتىن «1433» ءنومىرى بويىنشا قابىلدانادى، بۇل قىزمەت قالالىق بايلانىس ابونەنتتەرىنە – تەگىن، ال ۇيالى بايلانىس ابونەنتتەرىنە اقىلى تۇردە كورسەتىلەدى. سونداي-اق جولاۋشىلار «جولاۋشىلار تاسىمالى» اكسيونەرلىك قوعامى باس ديرەكتورىنىڭ بلوگىنا دا ءوتىنىش بىلدىرە الادى.
