وڭتۇستىك قازاقستان وبلىسىندا اۆتوموبيل جولدارى دەپارتامەنتى ديرەكتورىنىڭ ورىنباسارى سەيدۋالييەۆ جەر تەلىمدەرىنىڭ شىنايى باعاسىن كوبەيتۋ ارقىلى بيۋدجەتتىك قاراجاتتان 68 ميلليون تەڭگە كولەمىندە قىمقىرعان.بۇل تۋرالى sputniknews.kz حابارلادى.

وڭتۇستىك قازاقستان وبلىسىنىڭ شەنەۋنىگى "باتىس ەۋروپا – باتىس جۇڭگو" اۆتوماگيسترالىن سالۋ بارىسىندا بيۋدجەتتىك قاراجاتتى قىمقىردى دەگەن كۇدىككە ءىلىندى دەپ حابارلايدى مەملەكەتتىك قىزمەتتەر جانە جەمقورلىققا قارسى ءىس-قيمىل اگەنتتىگى. "وڭتۇستىك قازاقستان وبلىسىندا اۆتوموبيل جولدارى دەپارتامەنتى ديرەكتورىنىڭ ورىنباسارى سەيدۋالييەۆكە قاتىستى قىلمىستىق ءىستى تەرگەۋ اياقتالدى. ول "Strike and Co" ج ش س باسشىسىمەن بىرلەسىپ، جەر تەلىمدەرىنىڭ شىنايى باعاسىن كوبەيتۋ ارقىلى "باتىس ەۋروپا – باتىس جۇڭگو" اۆتوماگيسترالىن سالۋ ءۇشىن جەر ساتىپ الۋعا بولىنگەن بيۋدجەتتىك قاراجاتتان 68 ميلليون تەڭگە كولەمىندە قىمقىرعان"، — دەپ حابارلايدى ۆەدومستۆو. ءدال وسىنداي قىلمىستار اقمولا، جامبىل، سولتۇستىك قازاقستان، باتىس قازاقستان جانە قوستاناي وبلىستارىندا اشكەرەلەندى.