– 2020 جىلدىڭ 8 ايىندا جۇڭگو مەن قازاقستان اراسىنداعى شەكارا وتكەلدەرى ارقىلى جۇك تاسىمالى 14،2 ملن تونناعا جەتتى. وتكەن جىلدىڭ وسى كەزەڭىمەن سالىستىرساق، جۇك تاسىمالىنىڭ 30%-عا ۇلعايعانىن بايقاۋعا بولادى، – دەپ اتاپ ءوتتى لۋ دۋنفۋ مىرزا. ەكى جاق 2020 جىلدىڭ سوڭىنا دەيىن قازاقستان مەن جۇڭگو اراسىندا تەمىر جول ارقىلى 21 ملن تونناعا دەيىن جۇك تاسىمالدانادى دەپ كۇتىلۋدە.
ۆيدەوكونفەرەنسيادا تاراپتار الداعى ۋاقىتتا جۇك تاسىمالىن ۇلعايتۋ ءۇشىن «دوستىق – الاشانقاي» جانە «التىنكول – قورعاس» شەكارا وتكەلدەرىنە باسا كوڭىل بولىنەتىنى ايتىلدى. وسى رەتتە «قتج» ۇك» اق ەلىمىزدىڭ ترانزيتتىك الەۋەتىن ارتتىرۋ ءۇشىن «دوستىق» ستانساسىن دامىتۋ، جاڭعىرتۋ جوبالارىن قولعا الاتىندارىن ال،ا تارتتى.
– «نۇرلى جول» مەملەكەتتىك ينفراقۇرىلىمدى دامىتۋ باعدارلاماسى شەڭبەرىندە 2020-2025 جىلدار ارالىعىندا «دوستىق – مويىنتى» ترانسپورتتىق تەمىر جول ءدالىزىن دامىتۋدىڭ العاشقى كەزەڭىن جۇزەگە اسىراتىن بولامىز. جوبا اياسىندا تەمىر جولدار مەن ءبىرقاتار تەمىر جول ينفراقۇرىلىمى نىساندارىنا كۇردەلى جوندەۋ جۇمىستارى جۇرگىزىلەدى. بۇدان باسقا جەكەلگەن ۋچاسكەلەردىڭ دە جۇمىسىن جانداندىرامىز، – دەدى ساۋات مىڭبايەۆ.
بولاشاقتا وسى قولعا الىنعان جۇمىستار شەكارالىق ايماقتا پويىزداردى وتكىزۋ مۇمكىندىگىن ارتتىرىپ، قازاقستان اۋماعى ارقىلى جۇك تاسىمالىن جانداندىراتىن بولادى. سونىمەن قاتار جوبا اياسىندا ەلىمىزدەگى كونتەينەرلەر تاسىمالدايتىن پويىزداردىڭ مۇمكىندىگىن ارتتىرىپ، 2025 جىلى «دوستىق» ستانساسىنىڭ جۇك قابىلداۋ مۇمكىندىگىن 1 ميلليونعا دەيىن جەتكىزۋ كوزدەلىنۋدە.
ونلاين كەزدەسۋدە تاراپتار «نۇرلى جول» باعادارلاماسى مەن «ءبىر بەلدەۋ – ءبىر جول» باستماسى ەكى ەل اراسىنداعى جۇك تاسىمالىن ارتتىرۋعا مۇمكىندىك بەرگەنى ايتىلدى. سونىمەن قاتار بۇل باعىتتا ەكى جاقتىڭ بىرلەسىپ قولعا العان جۇمىستارى تارساپورت جانە لوگيستيكا سالاسىندا جاڭا ونىمدەردىڭ پايدا بولىپ، ەل ەكونوميكاسىنىڭ دامۋىنا ايرىقشا ىقپال ەتەتىنى ءسوز بولدى.
«قازاقستان تەمىر جولى» ۇك» اق-ى باسپا ءسوز قىزمەتى.
