– 2020 jyldyń 8 aiynda Qytai men Qazaqstan arasyndaǵy shekara ótkelderi arqyly júk tasymaly 14,2 mln tonnaǵa jetti. Ótken jyldyń osy kezeńimen salystyrsaq, júk tasymalynyń 30%-ǵa ulǵaiǵanyn baiqaýǵa bolady, – dep atap ótti Lý Dýnfý myrza. Eki jaq 2020 jyldyń sońyna deiin Qazaqstan men Qytai arasynda temir jol arqyly 21 mln tonnaǵa deiin júk tasymaldanady dep kútilýde.
– «Nurly jol» memlekettik infraqurylymdy damytý baǵdarlamasy sheńberinde 2020-2025 jyldar aralyǵynda «Dostyq – Moiynty» transporttyq temir jol dálizin damytýdyń alǵashqy kezeńin júzege asyratyn bolamyz. Joba aiasynda temir joldar men birqatar temir jol infraqurylymy nysandaryna kúrdeli jóndeý jumystary júrgiziledi. Budan basqa jekelgen ýchaskelerdiń de jumysyn jandandyramyz, – dedi Saýat Myńbaev.
Bolashaqta osy qolǵa alynǵan jumystar shekaralyq aimaqta poiyzdardy ótkizý múmkindigin arttyryp, Qazaqstan aýmaǵy arqyly júk tasymalyn jandandyratyn bolady. Sonymen qatar joba aiasynda elimizdegi konteinerler tasymaldaityn poiyzdardyń múmkindigin arttyryp, 2025 jyly «Dostyq» stansasynyń júk qabyldaý múmkindigin 1 millionǵa deiin jetkizý kózdelinýde.
Onlain kezdesýde taraptar «Nurly jol» baǵadarlamasy men «Bir beldeý – bir jol» bastmasy eki el arasyndaǵy júk tasymalyn arttyrýǵa múmkindik bergeni aityldy. Sonymen qatar bul baǵytta eki jaqtyń birlesip qolǵa alǵan jumystary tarsaport jáne logistika salasynda jańa ónimderdiń paida bolyp, el ekonomikasynyń damýyna airyqsha yqpal etetini sóz boldy.
«Qazaqstan temir joly» UK» AQ-y Baspasóz qyzmeti.
