جەزقازعاندا ەكى جاس جىگىت قىلمىس ءىزىن جاسىرۋ ءۇشىن بەينەباقىلاۋ كامەراسىن سىندىرعان، دەپ حابارلايدى Dalanews.kz.
وقيعا تۇنگى ۋاقىتتا بولعان. كۇدىكتىلەر جەكە تۇرعىن ءۇيدىڭ اۋلاسىنا زاڭسىز كىرىپ، ورناتىلعان بەينەباقىلاۋ كامەراسىن بۇزىپ، وزدەرىمەن بىرگە الىپ كەتكەن. وسىلايشا جاسالعان قىلمىستىڭ ءىزىن جويماق بولعان.
الايدا كامەراعا جازىلعان بەينەماتەريال ەلەكتروندى ساقتاۋ جۇيەسىنە اۆتوماتتى تۇردە جىبەرىلىپ ۇلگەرگەن. سونىڭ ارقاسىندا پوليسيا كۇدىكتىلەردى انىقتاپ، كوپ ۇزاماي ۇستادى.
قۇقىق قورعاۋ ورگاندارىنىڭ مالىمەتىنشە، 20 جاستاعى ەكى قالا تۇرعىنى قولعا تۇسكەن. ولار ءوز كىنالارىن تولىق مويىنداعان.
