Jezqazǵanda eki jas jigit qylmys izin jasyrý úshin beinebaqylaý kamerasyn syndyrǵan, dep habarlaidy Dalanews.kz.
Oqiǵa túngi ýaqytta bolǵan. Kúdiktiler jeke turǵyn úidiń aýlasyna zańsyz kirip, ornatylǵan beinebaqylaý kamerasyn buzyp, ózderimen birge alyp ketken. Osylaisha jasalǵan qylmystyń izin joimaq bolǵan.
Alaida kameraǵa jazylǵan beinematerial elektrondy saqtaý júiesine avtomatty túrde jiberilip úlgergen. Sonyń arqasynda politsiia kúdiktilerdi anyqtap, kóp uzamai ustady.
Quqyq qorǵaý organdarynyń málimetinshe, 20 jastaǵy eki qala turǵyny qolǵa túsken. Olar óz kinálaryn tolyq moiyndaǵan.
