قازىرگى ۋاقىتتا №11 قازاندىق اگرەگاتىنا اعىمداعى جوندەۋ جۇمىستارى تولىق ورىندالدى. №8 جانە №4 قازاندىق اگرەگاتتارىن كۇردەلى جوندەۋ جۇمىستارى جۇرگىزىلۋدە. №10 قازاندىق اگرەگاتىن اۋىستىرۋ جۇرگىزىلۋدە. №5، 6، 7 قازاندىق اگرەگاتتارىندا اعىمداعى جوندەۋ جۇمىستارى جۇرگىزىلۋدە. بارلىق جوندەۋ كومپانيالارى بەكىتىلگەن كەستەگە سايكەس اياقتالادى. №6، 7، 8 تۋربواگرەگاتتارعا اعىمداعى جوندەۋ جۇمىستارى تولىق ورىندالدى. تۋربينا، ەلەكتر جانە وتىن-كولىك سەحتارىنىڭ جابدىقتارى جوسپارلى رەجيمدە جۇمىس ىستەيدى.
جەزقازعان جەو نەگىزگى جابدىقتارىن كۇردەلى جانە اعىمداعى جوندەۋگە بارلىعى 4،8 ملرد تەڭگە ءبولىندى. قويمادا كومىر قورلارى 243267 توننانى، مازۋت - 1 600 توننانى قۇرايدى. «Kazahmys Energy (قازاقمىس Energy)» ج ش س جەزقازعان جەو-نىڭ جالپى دايىندىعى شامامەن 60% دەڭگەيدە. 2023-2024 جىلىتۋ ماۋسىمىنىڭ باسىندا ستانسياداعى جوندەۋ جۇمىستارىنىڭ كوپ بولىگى اياقتالادى.
«گرەس توپار» ج ش س 2023-2024 جج. جىلىتۋ ماۋسىمىنا دايىندىققا قاتىستى: بيىل №7 ستانسيا ءبىرىنشى قازاندىعىندا كۇردەلى جوندەۋ ءساتتى جۇرگىزىلدى، 11 قازاندىق پەن 3 تۋربينادا اعىمداعى جوندەۋ جۇرگىزىلدى. بۇگىنگى تاڭدا ەكى قازاندىقتا كۇردەلى جوندەۋ جۇمىستارى جۇرگىزىلۋدە، تاعى ەكەۋىنە – اعىمداعى جوندەۋ جۇمىستارى جۇرگىزىلۋدە.
«گرەس توپار» ج ش س نەگىزگى جابدىقتارىن كۇردەلى جانە اعىمداعى جوندەۋگە بارلىعى 5،7 ملرد تەڭگە ءبولىندى. 2023-2024 جج. جىلىتۋ ماۋسىمىنىڭ ءساتتى ءوتۋى ءۇشىن «گرەس توپار» جشس-دە جۇمىستا 8 قازاندىق اگرەگاتى مەن 4 تۋربواگرەگاتتىڭ بولۋى جەتكىلىكتى.
وسىلايشا، جابدىقتى جوندەۋ دەرەكتەرىنە سۇيەنسەك، ستانسيانىڭ دايىندىعى 85%-دى قۇرايدى. ءوز كەزەگىندە، بۇقارالىق اقپارات قۇرالدارىنىڭ شىققان دايەكسىز ماتەريالى ءۇشىن جاۋاپتىلار ءبىزدىڭ تاراپىمىزدان تۇسىنىكتەمەلەر الۋ ءۇشىن «قازاقمىس» كومپانياسىنا جۇگىنبەگەنىن اتاپ وتكىمىز كەلەدى. «قازاقمىس» كومپانيالار توبى ءارقاشان ديالوگ پەن ناتيجەلى ىنتىماقتاستىق ءۇشىن اشىق.
«قازاقمىس كورپوراسياسى» ج ش س باسپا ءسوز قىزمەتى كورپوراسيانىڭ ەڭبەك جانە الەۋمەتتىك قىزمەتى تۋرالى ماتەريالداردى ۇسىنۋدىڭ وبەكتيۆتىلىگى ماقساتىندا ماتەريالدار دايىنداۋدا باسپا ءسوز قىزمەتىنە حابارلاسۋدى سۇرايدى.
«قازاقمىس» كومپانيالار توبى - تابيعي رەسۋرستاردى ءوندىرۋ جانە قايتا وڭدەۋ جونىندەگى جەتەكشى كومپانيا، قازاقستاندا مىس وندىرۋدەن كوشباسشى. كومپانيانىڭ قۇرامىندا گەولوگيالىق بارلاۋ كەشەنى، ون ءۇش كەنىش، ءتورت بايىتۋ فابريكاسى، ەكى مىس بالقىتۋ زاۋىتى، ەكى كومىر رازرەزى جانە وەك بار. كومپانيانىڭ نەگىزگى اكتيۆتەرى جەزقازعان، بالقاش، ساتبايەۆ جانە قاراعاندى قالالارىندا ورنالاسقان.
«قازاقمىس» كەندى ءوندىرۋدى جانە ونى تاۋارلىق مەتالعا وڭدەۋدى جۇرگىزەتىن وندىرىستىك وبەكتىلەردى باسقارادى. كورپوراسيا مىس، مىس-سۋلفيد جانە توتىققان، سونداي-اق پوليمەتالل مىس-مىرىش كەنىن وندىرەدى. بۇگىنگى تاڭدا «قازاقمىس» توبى قىزمەتكەرلەرىنىڭ جالپى سانى 38 000-نان استام ادامدى قۇرايدى، ۇجىمنىڭ 80% - ى وندىرىستىك پەرسونال بولىپ تابىلادى.
