جەتٸسۋلىقتاردىڭ 54%-ى كٶگٸلدٸر وتىندى تۇتىنادى
"جەتٸسۋوبلگاز" جشس باس ديرەكتورى زيياش قيياقباەۆتىڭ ايتۋىنشا, الماتى وبلىسىنداعى 742 ەلدٸ مەكەننٸڭ 473-ٸ گازداندىرۋعا جاتادى. سونىڭ 164-ٸنە گاز جەتكٸزٸلگەن, 2021 جىلدىڭ سوڭىندا وبلىس تۇرعىندارىنىڭ 63,5%-نٸڭ گازعا قوسىلۋىنا مٷمكٸندٸك جاسالدى. جالپى وڭ ديناميكا بار بولعانىنا قاراماستان 2017 جىلدىڭ مامىرىنان 2022 جىلدىڭ قاڭتارىنا دەيٸن وبلىس ورتالىعىندا 30 مىڭنان استام ابونەنت نەمەسە 55,3% تۇرعىن گازعا قوسىلعان. بۇل قاتاردا ٸلە, تالعار, جامبىل, قاراساي, قاراتال, كەربۇلاق, كٶكسۋ, بالقاش اۋداندارىنداعى 14 ەلدٸ مەكەندە بار. دەگەنمەن جاقسى جاڭالىقتار دا بار. بيىلعى جىلدىڭ قورىتىندىسى بويىنشا گازعا وبلىستىڭ 33 ەلدٸ مەكەنٸ قوسىلىپ, 78 مىڭ ادام گازدىڭ يگٸلٸگٸن كٶرەدٸ دەپ جوسپارلانعان. مەملەكەتتٸك-جەكەمەنشٸك ەرٸپتەستٸك شەڭبەرٸندە جالپى قۇنى 4,1 ملرد.تەڭگە بولاتىن 5 جوبا جٷزەگە استى. ولار كەربۇلاق اۋدانى سارىٶزەك اۋىلىن, تالعار اۋدانى جالعامىس, اقتاس, اقدالا اۋىلدارىن, بالقاش اۋدانى باقاناس اۋىلىن قامتىدى.
جيىندا, وبلىس ەكٸمٸ قانات بوزىمباەۆ اۋدان ەكٸمدٸكتەرٸ مەن ينۆەستورلاردى بٸرلەسٸپ جۇمىس ٸستەۋگە شاقىردى. قانات بوزىمباەۆ
- تالعار اۋدانى كٸشٸ بايسەركە اۋىلىنىڭ تۇرعىندارىنىڭ ينۆەستورلار جۇمىسىنا كٶڭٸلٸ تولمايدى. مەسەلە نەدەن تۋىنداپ وتىر? بۇل جەردە ينۆەستورلاردىڭ ەسەبٸنەن جٷرگٸزٸلگەن جٷيەلەر جارامدى ما, جوق پا, بار بولعانى سونى انىقتاۋ كەرەك. ەگەر جارامدى بولسا, ونى جوباعا ەنگٸزٸپ, پايدالانۋ كەرەك. جارامسىز بولسا, ينۆەستورلار ٶز قارجىسىنا جۇمساپ, تارتىلعان جٷيەنٸ الىپ تاستاسىن, وعان قوسا سوتتىڭ شەشٸمٸ دە بار. شارا قابىلداۋدى ۇزاققا سوزباڭىزدار, شيراق قيمىلداڭىزدار. گازعا قوسىلۋ قۇنىن اسپانداتپاي, قولجەتٸمدٸ ەتۋٸمٸز كەرەك. ينۆەستورلار ەسەبٸنەن گازداندىرۋدىڭ تيٸستٸ ەرەجەسٸن دايىنداۋىمىز كەرەك. بٸزگە ينۆەستيتسيياعا تارتىمدى, ورىندى جٷيە قاجەت. بٸز بيۋدجەت ەسەبٸنەن گازداندىرۋدى جالعاستىرامىز, مٷمكٸندٸك بولسا ينۆەستورلاردى تارتامىز, - دەدٸ ق.بوزىمباەۆ.
سونداي-اق, ٶڭٸر باسشىسى گازداندىرۋ باياۋ جٷرٸپ جاتقان ۇيعىر, ەڭبەكشٸقازاق اۋداندارىنداعى ومى جۇمىستى ەرەكشە باقىلاۋعا الۋ قاجەتتٸگٸن ايتتى.
جالپى 2014-2020 جج. الماتى وبلىسىندا گازداندىرۋ سالاسىنا 101,1 ملرد.تەڭگە بٶلٸنگەن, سونىڭ 74,1 ملرد.تەڭگەسٸ - بيۋدجەت قارجىسى, 12,5 ملرد. تەڭگەسٸ - «قازترانسگاز» اق قاراجاتى, 14,5 ملرد. تەڭگەسٸ - جەكە ينۆەستيتسييا.
