Jetisýlyqtardyń 54%-y kógildir otyndy tutynady
"JetisýOblGaz" JShS bas direktory Ziiash Qiiaqbaevtyń aitýynsha, Almaty oblysyndaǵy 742 eldi mekenniń 473-i gazdandyrýǵa jatady. Sonyń 164-ine gaz jetkizilgen, 2021 jyldyń sońynda oblys turǵyndarynyń 63,5%-niń gazǵa qosylýyna múmkindik jasaldy. Jalpy oń dinamika bar bolǵanyna qaramastan 2017 jyldyń mamyrynan 2022 jyldyń qańtaryna deiin oblys ortalyǵynda 30 myńnan astam abonent nemese 55,3% turǵyn gazǵa qosylǵan. Bul qatarda Ile, Talǵar, Jambyl, Qarasai, Qaratal, Kerbulaq, Kóksý, Balqash aýdandaryndaǵy 14 eldi mekende bar. Degenmen jaqsy jańalyqtar da bar. Biylǵy jyldyń qorytyndysy boiynsha gazǵa oblystyń 33 eldi mekeni qosylyp, 78 myń adam gazdyń igiligin kóredi dep josparlanǵan. Memlekettik-jekemenshik áriptestik sheńberinde jalpy quny 4,1 mlrd.teńge bolatyn 5 joba júzege asty. Olar Kerbulaq aýdany Saryózek aýylyn, Talǵar aýdany Jalǵamys, Aqtas, Aqdala aýyldaryn, Balqash aýdany Baqanas aýylyn qamtydy.
Jiynda, oblys ákimi Qanat Bozymbaev aýdan ákimdikteri men investorlardy birlesip jumys isteýge shaqyrdy. Qanat Bozymbaev
- Talǵar aýdany Kishi Baiserke aýylynyń turǵyndarynyń investorlar jumysyna kóńili tolmaidy. Másele neden týyndap otyr? Bul jerde investorlardyń esebinen júrgizilgen júieler jaramdy ma, joq pa, bar bolǵany sony anyqtaý kerek. Eger jaramdy bolsa, ony jobaǵa engizip, paidalaný kerek. Jaramsyz bolsa, investorlar óz qarjysyna jumsap, tartylǵan júieni alyp tastasyn, oǵan qosa sottyń sheshimi de bar. Shara qabyldaýdy uzaqqa sozbańyzdar, shiraq qimyldańyzdar. Gazǵa qosylý qunyn aspandatpai, qoljetimdi etýimiz kerek. Investorlar esebinen gazdandyrýdyń tiisti erejesin daiyndaýymyz kerek. Bizge investitsiiaǵa tartymdy, oryndy júie qajet. Biz biýdjet esebinen gazdandyrýdy jalǵastyramyz, múmkindik bolsa investorlardy tartamyz, - dedi Q.Bozymbaev.
Sondai-aq, óńir basshysy gazdandyrý baiaý júrip jatqan Uiǵyr, Eńbekshiqazaq aýdandaryndaǵy omy jumysty erekshe baqylaýǵa alý qajettigin aitty.
Jalpy 2014-2020 jj. Almaty oblysynda gazdandyrý salasyna 101,1 mlrd.teńge bólingen, sonyń 74,1 mlrd.teńgesi - biýdjet qarjysy, 12,5 mlrd. teńgesi - «QazTransGaz» AQ qarajaty, 14,5 mlrd. teńgesi - jeke investitsiia.
