وتكەن جىلى ءوزارا ىنتىماقتاستىق جونىندە ەكى جاقتى قول قويىلعان مەموراندۋمنىڭ جالعاسى رەتىندەگى وسى كەزدەسۋ بارىسىندا اۋىل شارۋاشىلىعى، تۋريزم، تۇرمىستىق قاتتى قالدىقتاردى وڭدەۋ سالالارى بويىنشا سەرىكتەستىك ماسەلەلەرى تالقىلاندى.
– الماتى وبلىسى اۋىل شارۋاشىلىعى ونىمدەرىنىڭ رەسپۋبليكاداعى جالپى كولەمىنىڭ 17-20 %ء-ىن وندىرەدى. سوندىقتان ءبىز ءۇشىن اۋىل شارۋاشىلىعى ونىمدەرىن وڭدەۋدى دامىتۋدىڭ ماڭىزى زور. وسىعان وراي ءبىزدى سىزدەردىڭ تەحنولوگيالارىڭىز قىزىقتىرادى. ءبىزدىڭ كاسىپكەرلەردىڭ سىزدەردىڭ بيزنەس ورتالارىڭىزبەن ءوزارا تىعىز قارىم-قاتىناس ورناتقانىن قالايمىز. ول ءۇشىن بىزدە بارلىق جاعداي بار: جايلى ينۆەستيسيالىق كليمات جاسالعان، ينفراقۇرىلىممەن تولىق قامتاماسىز ەتىلگەن ارنايى يندۋستريالدىق ايماقتار بار. سىزدەردەن ءتۋريزمدى دامىتۋ، سونىڭ ىشىندە تاۋ ءتۋريزمىن دامىتۋ جاعىنان ۇيرەنەرىمىز كوپ. ويتكەنى ءبىزدىڭ تابيعي-كليماتتىق ەرەكشەلىگىمىز ءدال وسى باعىتتى دامىتۋعا قولايلى. سونىمەن قاتار ءبىز تۇرمىستىق قاتتى قالدىقتاردى وڭدەۋ ءىسى ەرەكشە قىزىقتىرادى. وتكەن جىلى استانا قالاسىندا قوس تاراپ ىنتىماقتاستىق ورناتۋ نيەتىمەن مەموراندۋمعا قول قويعان بولاتىنبىز. بۇگىنگى كەزدەسۋ سول ىنتىماقتاستىقتىڭ جالعاسى دەپ بىلەمىز، – دەدى وبلىس اكىمى ا. باتالوۆ.
ءوز كەزەگىندە ۋرس شميد مىرزا جەتىسۋ ولكەسى ءوزىنىڭ ەرەكشە كوركەم تابيعاتىمەن ءتانتى ەتكەنىن اتاپ ءوتتى. وبلىس ورتالىعى تالدىقورعان قالاسى ءوزىنىڭ كوگالدارىمەن، اسەم كەلبەتىمەن ۇناعان. بۇل ءوڭىردىڭ ينفراقۇرىلىمى جاقسى دامىعانى، اۋىل شارۋاشىلىعىنىڭ الەۋەتى زور ەكەنى بايقالىپ تۇرعانىن دا تىلگە تيەك ەتتى.
– شۆەيساريالىق كومپانيالاردا الماتى وبلىسىنا ينۆەستيسيا تارتۋعا نيەتتى. ءوڭىر ءوزىنىڭ ينفراقۇرىلىمىمەن تارتىمدى. وبلىس نارىعىندا ءتۇرلى ءىرى حالىقارالىق كومپانيالار تابىستى جۇمىس ىستەپ كەلە جاتقانىن بىلەمىز. ءبىز ءوز تاراپىمىزدان جاڭا ايتىپ وتكەندەي، اۋىل شارۋاشىلىعى، تۋريزم، لوگيستيكا، تۇكش، جاسىل ەنەرگەتيكانى دامىتۋ سالالارى بويىنشا ارىپتەستىك بايلانىس ورناتقىمىز كەلەدى. ەڭ باستىسى – ءوزارا تۇسىنىستىكتە، بىرلەسىپ بيزنەس جۇرگىزۋ، – دەدى ديپلومات. مۇنان سوڭ ءسوز العان تيچينو ساۋدا-ونەركاسىپ پالاتاسىنىڭ رەسمي وكىلى البەرت لوتتي مىرزا دا كانتوننىڭ بيزنەس قاۋىمداستىعى الماتى وبلىسىمەن ءوزارا ىنتىماقتاسا جۇمىس ىستەۋگە ءازىر ەكەندىگىن جەتكىزدى.
كەزدەسۋدى قورىتىندىلاعان اماندىق باتالوۆ دەلەگاسياعا جەتىسۋ جەرىنە كەلگەن ساپارى ءۇشىن ريزاشىلىعىن ءبىلدىرىپ، سەرىكتەستىك بايلانىستىڭ ناتيجەلى بولاتىنىنا سەنىم ءبىلدىردى.
بۇدان كەيىن رەسمي دەلەگاسيا وبلىس تاۋار وندىرۋشىلەرىنىڭ كورمەسى قويىلعان تالدىقورعانداعى كورمە كەشەنىنە باردى. ساپاردىڭ جالعاسى رەتىندە ۆ2ۆ فورماتىندا وبلىس كاسىپكەرلەرىنىڭ قاتىسۋىمەن بيزنەس-فورۋم ءوتتى.
بۇگىن شۆەيساريالىقتاردىڭ ساپارى جاسىل ەنەرگەتيكانى دامىتۋ بويىنشا قاپشاعاي قالاسىندا جالعاسادى. تيچينو كانتونىنىڭ وكىلدەرى «سامۇرىق گرين ەنەردجي» جشس-نىڭ كۇن ەلەكتر ستانساسى مەن جەل ەنەرگەتيكاسىنا ماماندانعان «اننار» جشس-دا بولادى دەپ كۇتىلۋدە.
الماتى وبلىسى اكىمىنىڭ باسپا ءسوز قىزمەتى
https://dalanews.kz/35553
