– پرەزيدەنتٸمٸز نۇرسۇلتان ەبٸشۇلى نازارباەۆ دەنە شىنىقتىرۋ مەن سپورتتى بەلسەندٸ تٷردە دامىتۋ تۋرالى ماڭىزدى تاپسىرما بەردٸ. بۇل تاپسىرمانى ورىنداۋ ٸسٸندە مەملەكەت تاراپىنان جان-جاقتى قولداۋ كٶرسەتٸلۋدە. سول سەبەپتٸ بٸزدەردٸڭ ورىنداۋعا تيٸستٸ مەسەلەلەرٸمٸزدٸڭ بٸرٸ – سپورتتىق ينفراقۇرىلىمدى ەرٸ قاراي دامىتۋ, اۋداندار مەن قالالاردا دەنە شىنىقتىرۋ – ساۋىقتىرۋ كەشەندەرٸ مەن ٶزگە دە سپورتتىق نىسانداردى تۇرعىزۋ. الماتى وبلىسى ٶزٸنٸڭ سپورتتىق جەتٸستٸكتەرٸمەن اۋىز تولتىرىپ ماقتانا الادى. جەتٸسۋ ٶلكەسٸنەن وسى كٷنگە دەيٸن اتاعى الىسقا تاراعان چەمپيوندار مەن رەكوردتاردى جاڭارتقان شوقتىعى بيٸك تالاي سپورتشىلار شىققان. بٸزدٸڭ تەربيەلەنۋشٸلەرٸمٸز تٷرلٸ دەڭگەيدەگٸ جارىستاردا جوعارى نەتيجەلەرگە قول جەتكٸزۋدە. اتاپ ايتار بولساق, سپورتشىلارىمىز بيىلعى جىلدىڭ ٶزٸندە حالىقارالىق جەنە رەسپۋبليكالىق جارىستاردا 657 مەدال يەلەندٸ. سونىڭ ٸشٸندە 244 – التىن, 218 – كٷمٸس جەنە 195 - قولا. سپورتشىلار مەن ولاردىڭ جاتتىقتىرۋشىلارىنا سەتتٸلٸك تٸلەي وتىرىپ, قازاقستاننىڭ سپورتىن ودان ەرٸ بيٸك شىڭدارعا كٶتەرە بەرۋلەرٸڭٸزدٸ تٸلەيمٸن, – دەدٸ ا. باتالوۆ.
سونداي-اق ٶڭٸر باسشىسى وبلىسىمىزدا سپورت نىساندارىن سالۋ,ماتەريالدىق-تەحنيكالىق بازامەن قامتاماسىز ەتۋ جەنە كٷردەلٸ جٶندەۋ جۇمىستارىنىڭ قارقىندى جٷرگٸزٸلٸپ جاتقاندىعىن اتاي كەلە, جاقىن ارالىقتا تالدىقورعاندا 3 ٸرٸ سپورتتىق نىساننىڭ بوي كٶتەرەتٸندٸگٸن تٸلگە تيەك ەتتٸ. ولار – جٷزۋ جولاعى 50 مەتر بولاتىن جٷزۋ باسسەينٸ مەن سۋعا سەكٸرۋگە ارنالعان 10 مەترلٸك تۇعىرى بار كەشەن, جابىق جەڭٸل اتلەتيكا مانەجٸ جەنە قاپشاعاي مەن تالدىقورعان قالالارىنىڭ ارالىعىندا سالىناتىن ۆەلوترەك.
سپورتتاعى جوعارى كٶرسەتكٸشتەرٸ ٷشٸن پاۋەرليفتينگتەن ريو-دە-جانەيرودا ٶتكەن پاراليمپيادا ويىندارىنىڭ كٷمٸس جٷلدەگەرٸ راۋشان قويشىباەۆاعا وبلىس ەكٸمٸ اماندىق باتالوۆ ەكٸ بٶلمەلٸ پەتەردٸڭ كٸلتٸن تابىستادى. وليمپيادا ويىندارىندا زٸلتەمٸر كٶتەرۋدەن قولا جٷلدەگە يە بولعان كارينا گوريچەۆاعا1 بٶلمەلٸ پەتەر بەرٸلدٸ. اۋىراتلەتشٸنٸڭ وسى كٷندەرٸ تايبەيدە ٶتٸپ جاتقان جازعى ۋنيۆەرسيادا ويىندارىندا ەل نامىسىن قورعاپ جاتقاندىعىن ەسكەرە كەلە, جاڭا پەتەردٸڭ كٸلتٸ سپورتشىنىڭ اناسى ەلەنا گوريچەۆاعا تابىستالدى.
جاتتىقتىرۋشىلاردىڭ دا ەڭبەكتەرٸ ەسكەرۋسٸز قالمادى. قر مەدەنيەت جەنە سپورت مينيسترلٸگٸنٸڭ «قۇرمەتتٸ سپورت قىزمەتكەرٸ» تٶسبەلگٸسٸمەن دزيۋدودان وبلىستىق جوعارى سپورتتىق شەبەرلٸك مەكتەبٸنٸڭ جاتتىقتىرۋشىسى تيمۋر ابىحانوۆ پەن ەركٸن كٷرەستەن وبلىستىق جوعارى سپورتتىق شەبەرلٸك مەكتەبٸنٸڭ جاتتىقتىرۋشىسى امان بۇعىباەۆ ماراپاتتالدى.
تاعى بٸر جوعارى ناگرادا سانالاتىن «دەنە شىنىقتىرۋ مەن سپورتتى دامىتۋعا سٸڭٸرگەن ەڭبەگٸ ٷشٸن» تٶسبەلگٸسٸ جامبىل جەنە قاراساي اۋداندارىنىڭ سپورتتا دارىندى بالالار مەن جاسٶسپٸرٸمدەرگە ارنالعان سپورت مەكتەپتەرٸنٸڭ ديرەكتورلارى باقبەرگەن قايىرلىباەۆ پەن ۆالەريي حاتسيەۆكە تابىستالدى.
ماراپاتتاۋ رەسٸمٸ بٸرنەشە سپورتشىعا, ولاردىڭ جاتتىقتىرۋشىلارى مەن سپورت سالاسىنىڭ قىزمەتكەرلەرٸنە وبلىس ەكٸمٸ مەن قر مەدەنيەت جەنە سپورت مينيسترلٸگٸنٸڭ سپورت جەنە دەنە شىنىقتىرۋ ٸستەرٸ كوميتەتٸنٸڭ قۇرمەت گراموتالارى مەن العىس حاتتارىن تابىستاۋمەن جالعاستى. تٶرت سپورتشى سپورت شەبەرٸ اتاعىنا يە بولدى.
وسىدان كەيٸن سالتاناتتى جيىندا قازاقستاننىڭ ەڭبەك سٸڭٸرگەن جاتتىقتىرۋشىسى, قازاقستان رەسپۋبليكاسىنىڭ قۇرمەتتٸ سپورت قايراتكەرٸ ەكەشاي جايلاۋبەكوۆ, اۋىر اتلەتيكادان ەلەم چەمپيونى, كٶگالداعى حوككەيدەن ازييا بٸرٸنشٸلٸگٸنٸڭ ٷش دٷركٸن جٷلدەگەرٸ, قر سپورت شەبەرٸ نۇرجان بەيبٸتوۆ جەنە ٶزگە ازاماتتار مٸنبەردەن سٶز سٶيلەپ, سپورتپەن جەنە دەنە شىنىقتىرۋمەن اينالىسۋعا مەملەكەت تاراپىنان جاسالىپ جاتقان قولداۋعا العىستارىن بٸلدٸرٸپ, جاستاردى سپورتپەن بەلسەندٸ اينالىسۋعا شاقىردى. وسى جولدا سٶيلەۋشٸلەردٸڭ ٶزدەرٸ دە ەلٸمٸز بەن وبلىسىمىزدىڭ سپورتىن جاڭا بەلەسكە شىعارۋعا ايانباي تەر تٶگەتٸندٸكتەرٸن اتاپ ٶتتٸ.
شارا كونتسەرتتٸك باعدارلامامەن جالعاستى. ەستەرٸڭٸزگە سالار بولساق, الماتى وبلىسىندا اعىمداعى جىلدىڭ ٶزٸندە حالىقارالىق دەرەجەدەگٸ 12 سپورت شەبەرٸ, 78 سپورت شەبەرٸ, 471 سپورت شەبەرلٸگٸنە ٷمٸتكەر جەنە 233 بٸرٸنشٸ ساناتتى سپورتشىلار تەربيەلەنٸپ شىقتى. الدىڭعى قاتارلى 72 سپورتشى مەن 21 مٷمكٸندٸگٸ شەكتەۋلٸ سپورتشىلارىمىزعا اي سايىن ارنايى ستيپەندييا قاراستىرىلعان. تالعار اۋدانىندا ات سپورتى جەنە ۇلتتىق سپورت تٷرلەرٸنەن جەنە تالدىقورعان قالاسىندا شاحمات پەن ٷستەل ويىندارى تٷرلەرٸنەن بالالار مەن جاسٶسپٸرٸمدەردٸڭ مامانداندىرىلعان سپورت مەكتەپتەرٸ اشىلدى.
الماتى وبلىسى ەكٸمٸنٸڭ باسپاسٶز قىزمەتٸ
